Antibiotics for Viral Infections ပဋိဇီဝဆေး ကောင်းကျိုး-ဆိုးကျိုး

ဆေးတွေအကြောင်းရေးရင် ရမ်းကုတွေအားပေးရာရောက်တယ်။ ဆရာဝန်မပြပဲ သုံးကြတော့မယ်။ စသဖြင့် ပြောလာကြတယ်။ တချို့က ပိုဆိုးတယ်။ သူခိုးလမ်းပြဖြစ်မယ်တဲ့။ မတတ်နိုင်ပါ။ ကျွန်တော်က ဆေးပညာစာတွေ စုံနိုင်သမျှစုံအောင်ရေးပါတယ်။ ဆုံးမချင်သူကပေါတယ်။ ညတုန်းကရေးတဲ့ လူခြောက်ကလေးစာအောက်မှာလည်း တရားပြသူပေါ်လာတယ်။ တရားကို စာထဲမှာတွေ့ကြသူတွေများပါတယ်။ အီဂျစ်ပိရမစ်သတင်း စုံအောင်မရေးလို့တဲ့။ သုတေသနစာတမ်း ကူးချတင်လည်း အပြောမလွတ်လောက်။ ဘာစာရေးရေး ဘေးထွက်ဆိုးကျိုးကများတယ်။

ဗိုင်းရပ်စ်ကူးစက်ခံရတာကို ပဋိဇီဝဆေး သောက်တာဟာ ကောင်းကျိုးထက် ဆိုးကျိုးကို ဖြစ်စေတယ်။ အမေရိကန် ရောဂါထိန်းချုပ်ရေး နဲ့ ကာကွယ်ရေးဌာနကနေ ၁၉-၁၁-၂ဝ၁၁ နေ့က သတိပေးထားတာဖြစ်ပါတယ်။
ကလေးတွေအများစုဟာ အရေးပေါ်ဌာနတွေကို ဆေးမတည့်လို့ လာကြတာဟာ အများဆုံးဖြစ်တယ်။ ဒီသတင်းဟာ အခုရက်သတ္တပါတ်တွေအတွင်း ကမ္ဘာတဝှမ်းမှာ ပဋိဇီဝဆေးမတိုးတော့တာကို သတိထားစေဘို့ တွန်းအားတရပ်လဲ ဖြစ်ပါတယ်။ ဗက်တီးရီးယားတွေကို နိုင်တဲ့ ဆေးမျိုးကနေ ကျန်းမာရေးပြဿနာ ပိုစေပါတယ်။
အမှန်က ဗိုင်းရပ်စပိုးကူးစက်ခံရရင် အနားယူတာ၊ ရေ-အရည် များများသောက်တာ၊ ဆိုင်တွေပေါ်မှာ အလွယ်ဝယ်လို့ရတဲ့ ရောဂါလက္ခဏာ သက်သာဆေးတွေကိုသာ သုံးစွဲတာတွေကို လုပ်ဘို့ သင့်ပါတယ်။
အအေးမိတာ၊ အသက်ရှူလမ်းကြောင်း အထက်ပိုင်းပိုးဝင်တာ၊ နားကိုက်တာ၊ စတာတေါဟာ ဗက်တီးရီးယားကြောင့် ဖြစ်ကြရတာ မဟုတ်ပါ။ ပဋိဇီဝဆေးတွေဟာ ဗိုင်းရပ်စ်တွေကို မနိုင်ပါ။ ဒါပေမဲ့ မလိုဘဲသုံးနေကြတာ များနေဆဲဖြစ်တယ်။
မလိုဘဲသုံးတော့ ဆေးဘိုလဲ အပိုကုန်မယ်၊ နောင်မှာ တကယ်လိုလို့ ဆေးသုံးရရင် ဆေးမတိုးတော့တာဖြစ်စေတယ်။ အဲလိုသာဖြစ်ရင် ဆေးအဆန်းတွေ သုံးရတော့မယ်။ ရက်လဲရှည်မယ်။ ဈေးလဲကြီးတယ်။
အသက်ကိုရန်ရှာနိုင်လောက်တဲ့ ဗက်တီးရီးယားပိုးဝင်တာအတွက် Antibiotics တွေကအတော်ကောင်းပါတယ်။ ဒါပေမဲ့ ဆေးမတိုးတာဟာ တကယ့် ကျန်းမာရေးပြဿနာကြီး ဖြစ်ပါတယ်။
နှာစေးအအေးမိတာ၊ အများစုလည်ချောင်းနာတာ၊ လေပြွန်ရက်တိုရောင်တာ၊ ဆိုင်းနပ်စ် အများစု၊ နားကိုက်တာ အများစုတွေဟာ ဗိုင်းရပ်စ်ကြောင့်ဖြစ်ကြရတာတွေပါ။ ဒီလိုဖြစ်တာတွေကို ပဋိဇီဝဆေးသုံးရင် ရောဂါမပျောက်စေပါ၊ တချို့မှာ ရောဂါတိုးမယ်၊ မလိုလားအပ်တဲ့ ဘေးထွက်ဆိုးကျိုးတွေ ရစေမယ်။
ဒေါက်တာတင့်ဆွေ

ถูกใจแสดงความรู้สึกเพิ่มเติม

แสดงความคิดเห็นแชร์

ความคิดเห็นยอดนิยม