Hepatitis A အသည်းရောင် အသားဝါ (အေ)
အခုလိုရေကြီးချိန်မှာ ကူးစက်မှုများတတ်တဲ့ရောဂါတခုဖြစ်ပါတယ်။
သမီးအမျိုးသားက အသက် ၃၂ ပါ။ နေမကောင်းဖြစ်နေပါတယ်။ မျက်လုံးကဝါပြီး အစားလဲမစားနိုင်ပါဘူးဆရာ။ ရင်ခေါင်းလဲမကောင်းပါဘူး။ လှဲပဲလည်းချင်ပါတယ်ဆရာ။ ဒီလိုပုံစံနဲ့ ရန်ကုန်ပြန်လိုရပါမလားဆရာ။ အခု့့ မှာပါတာ။ မောတယ်လို့လည်းပြောပါတယ်ဆရာ။

ပြောတဲ့လက္ခဏာတွေအရ အသည်းရောင် (အေ) ကို အရင်စဉ်းစားရမယ်။ အသည်းရောင်စေတဲ့ (ဗိုင်းရပ်စ်) ပိုး ၆ မျိုးရှိတယ်။ A, B, C, D, E, G ဖြစ်ပါတယ်။
အသည်း၏အလုပ်များ
• အစာထဲက အဆီ၊ ဆီတို့ကို အစာခြေပေးသည်၊
• အား (အင်နာဂျီ) ကို သိုလှောင်ထားသည်၊
• အဆိပ်အတောက်ကို ဖယ်ရှားပစ်သည်၊
• (ဘိုင်းလ်) အစာခြေရည် ထုတ်ပေးသည်၊
• ကိုလက်စထရော၊ သွေးခဲစေသည့် ပစ္စည်းများ၊ ပရိုတင်းများ ထုတ်လုပ်ပေးသည်။
Hepatitis A အသည်းရောင် အေ ကို Viral Hepatitis/Infectious Hepatitis လို့လည်းခေါ်တယ်။
• ကူးစက်ရောဂါဖြစ်သည်။
• (ဗိုင်းရပ်စ်) ပိုးများမှ ကူးသည်။
• အသေအပျောက်ရှိသည်။
• ဇူလိုင်၊ သြဂုတ်၊ စက်တင်္ဘဘာ (၃) လ အထူး ဂရုစိုက်ပါ။
ရောဂါလက္ခဏာများ
• အားနည်းခြင်း ခံစားရသည်၊
• မစားချင်၊ မသောက်ချင် ဖြစ်လာသည်၊
• ဖျား၊ ချမ်း၊ ခေါင်းကိုက်၊ ပျို့၊ အန်၊
• အသား (မျက်လုံး၊ လက်သည်း၊ အရေပြား၊ ဆီး) ဝါလာသည်။ Jaundice ဟုခေါ်သည်။
• ဖြစ်စေသော အခြားရောဂါ အများအပြားလဲ ရှိသည်။
• အသည်းရောင်သဖြင့် ရင်ဘတ်ညာဘက်အောက်ပိုင်းနေရာ သို့မဟုတ် ဝမ်းဗိုက်ညာဘက် အထက်ပိုင်းနေရာ၊ သို့မဟုတ် ရင်ခေါင်းနေရာက နာလာသည်။
စမ်းသပ်ခြင်း
• အသား (မျက်လုံး၊ လက်သည်း၊ အရေပြား၊ ဆီး) ဝါခြင်း၊
• အသည်းကြီးခြင်း၊
• အသည်းနေရာက နာခြင်း၊
• LFT အသည်းလုပ်ငန်းများအား စစ်သောအခါ (ဘီလီရူဗင်) များနေမည်။
ကုသခြင်း
• အနားယူပါ၊
• ရေ၊ အရည်များများသောက်ပါ။
• လိုအပ်ပါက သွေးထဲ သွင်းပေးပါ၊
• အဆီ၊ ဆီ လျှော့စားပါ၊
• အရက်၊ မူးယစ်ဆေး၊ ဆေးလိပ်၊ ပြင်းသည့် ဆေးဝါးများ ရှောင်ပါ။
ကာကွယ်ပုံ
• ပါးစပ်ထဲဝင်သည့် (ရေ၊ နို့၊ ဖျော်ရည်) တို့ကို ပွက်သွားအောင် ကြို၍သောက်ပါ။ ရေသန့်ဆေး (Chlorine tablet) ထည့်၍ သုံးပါ။ ပွက်သွားအောင် ကြိုမထားသောရေနှင့် ရေသန့်ဆေး ထည့်မထားသောရော၊ ရေသန့်ပုလင်းကရေ မဟုတ်ပါက မသောက်ပါနှင့်၊
• (အစားအစာ) တို့ကို ပွက်အောင်ပြုတ်၊ ကျော်၊ ပေါင်း၊ ချက်ထားသည့်အစာကို ပူနွေးနေစဉ် စားပါ။ ချက်ပြုတ်ပြီးပါက ယင်ကောင် မနားစေရန် ဖုံးအုပ်ထားပါ။ ယင်ကောင်၏ ခြေထောက်၌ ပိုးကပ်ပါလာနိုင်သည်။ အပြင်းစာ၊ အပြင်ဆိုင်က ရောင်းသည့် အစာများကို သန့်-မသန့် စစ်ဆေးပြီးမှ စားပါ။ ဖြစ်နိုင်လျှင် မစားပါနှင့်။ ရောဂါရှိသူ ချက်ပြုတ်ကျော်လှော် ဆေးကြောသည်မှ ကူးစက်နိုင်သည်။
• Hepatitis A အသည်းရောင်အသားဝါရောဂါ A ကာကွယ်ဆေး သည် 95% ထိရောက်သည်။
အခြားနည်းများ
• ရေလောင်း အိမ်သာကိုသာ သုံးပါ။ မရှိပါက ယင်လုံအိမ်သာ သုံးပါ။
• ဆီးဝမ်းသွားပြီးတိုင်း ဆပ်ပြာနှင့် လက်ဆေးပါ။
• အသီးအနှံများကို မစားမီ ရေသန့်သန့်ဖြင့် ဆေးပါ။ ဆားရေဖြင့် ဆေးက ပိုကောင်းသည်။
• အခုလိုရေကြီးချိန်မှာ ကူးစက်မှုများတတ်တယ်။
ဆရာဝန်လုပ်သက်ရလာတဲ့အချိန်မှာ အမှတ်မထင် သတိပြုမိလာတာလေးတွေရှိတယ်။ (ဂျွန်းဒစ်) လို့ခေါ်တဲ့ အသားဝါ ရောဂါ လူနာတွေ လာရင် သူတို့ ဝတ်လာတဲ့အဝတ်အစားက လူနာ ၅ ယောက်မှာ ၃ ယောက်က အဝါရောင် အဝတ်ကို ဝတ်စားလာတယ်။ မြန်မာပြည်မှာ အသားဝါက ပေါမှပေါ။ ရီစရာသဘောလဲ ပြောမိတယ်။ ဆနွင်းမှုံ့မစားနဲ့ လို့။
ဒေါက်တာတင့်ဆွေ

Like

Comment

Share