Gua Sha မက်ကလောင်
သတင်း = ဖျားလျှင် မက်ကလောင်ခြစ်၍ ကုသမှုကြောင့် အသည်းရောင်စီပိုး ရောဂါဖြစ်ပွားနှုန်း များပြားလာသည်ကို တွေ့ရှိရကြောင်း မြန်မာအသည်းဖောင်ဒေးရှင်းဥက္ကဋ္ဌ ဒေါက်တာခင်ပြုံးကြည်က ပြောကြားသည်။
အရင်က မေးခွန်းတွေကိုဖြေဘို့ ဒီစာကိုရေးထားခဲ့ပါတယ်။
၁။ ကျွန်တော့အစ်မဖြစ်နေလို့ပါဆရာ။ မြစ်ကြီးနားမှာပြတော့ trimetazidine ကိုပေးလိုက်တာ အဲဆေးကို သောက်တော့လဲ မသက်သာဘူး။ အစ်မ အသက်က ၃၃ နှစ်ပါ။ မက်ခလောင်ထလာရင် ခေါင်းမှုးပြီး မျက်လုံး ဖွင့်လို့တောင်မရဘူးလို့ ပြောတယ်ဆရာ။ ရှာခြစ်လိုက်ဆွဲလိုက်ရင် ကောင်းသွားတယ်လို့ပြောတယ်။ နေ့တိုင်းလိုလို ရှာခြစ်ရလို့ အသားတွေတောင် မာနေပြီလို့လဲ ပြောပါတယ်ဆရာ။ ဘယ်လိုဆက်လုပ်ရမလဲဆရာ။ ကျေးဇူးပြုပြီး ဖြေကြားပေးပါနော်။ မနှစ်ကစစ်ထားတဲ့ သွေးအဖြေကို ပို့ပေးလိုက်ပါတယ်နော်ဆရာ။
၂။ ကျမ ဘီပိုးအကူးခံရတာလည့်း့ မှာနေတုန်းက အသိဥာဏ်မဲ့စွာ တရုတ်အပ်စိုက်ခဲ့လို့ပါဆရာ။ ပြီးတော့ အကြောတက်လို့ဆိုပြီး သူငယ်ချင်းတရုတ်မက မက်ဂလောင်ခြစ်တယ်ဆိုပြီး ဇွန်းနဲ့ကြောကို သွေးစို့အောင် ခြစ်ပေးခဲ့ဘူးပါတယ်။ နောက်မှကျမ သိရတာကျမတို့နဲ့ တအိမ်ထဲနေ မြန်မာတရုတ်မလေးမှာ HBeAg ရှိနေခဲ့တာပါဘဲ။ အဲဒီ မက်ဂလောင်ခြစ်တဲ့ဇွန်းကို အဲဒီကောင်မလေးကို ခြစ်လိုက် ကျမကိုခြစ်လိုက် လုပ်ခဲ့တယ်ဆိုတာ သိရပါတယ်။
၃။ တချို့လူတွေဟာ ခြေချောင်း၊ လက်ချောင်းလေးတွေယားလို့ဆိုပြီး ကြိုးနှင့်စည်းပြီး သွေးတွေ ဖောက်ပစ်ကြတယ်။ အဲလိုဖောက်လိုက်တော့ သွေးတွေမည်းမည်ကြီးတွေထွက်သွားပါတယ်။ အဲဒါ လုပ်သင့်ပါသလား။ ဘာကြောင့် သွေးတွေကအဲလိုမည်းသွားရပါသလဲ။ ကျေးဇူးပြုပြီးဖြေပေးပါဆရာ။
၎။ ငှက်ဖျား-မက်ကလောင်-သွေးလွန်တုပ်ကွေး ဆက်စပ်မှုလေး သိချင်ပါတယ်ဆရာ။
ကိုယ်မကျွမ်းကျင်တာကို ဆရာမလုပ်သင့်သလို၊ ကိုယ်သိတာနဲ့မတူရင် အပြစ်တင် မစောသင့်ဘူး။ MBBS ဆေးပညာသာ သင်ထားသူတွေက မက်ကလောင်အပါအဝင် တခြားဆေးနည်းတွေကို ထောက်ပြတဲ့အခါ ဒေါသနဲ့ အာဃာတလွတ်အောင် ဆင်ခြင်ရပါတယ်။ သိပ္ပံဘာသာအရ လက်ဆုပ်လက်ကိုင် မပြနိုင်ပေမဲ့ ငြင်းပယ်လို့ မရတာတွေ တပုံတခေါင်းရှိတယ်။ အမေးကိုဖြေရာမှာ တခြားပုဂ္ဂိုလ်တွေ ထောက်ပြသတိပေးတာနဲ့ ကျားကူပါရစေ။
လျှပ်တပြက် ဂျာနယ် Vol2 No.53 = မြင်းနီပျံ အမှတ်တံဆိပ်၊ မက်ကလောင် အဖျားဖြတ်ဆေးကြီး၊ နမ့်ခမ်မြို့၊ ရှမ်းပြည်နယ် (မြောက်ပိုင်း)၊ ခြင်္သေ့ကမ္ဘာ ငှက်ဖျား မက်ကလောင် ဖြတ်ဆေး တို့ကိုလဲ မှတ်ပုံတင်ထားခြင်းမရှိ၍ ပိတ်ပင်လိုက်ကြောင်း ကျန်းမာရေး ဝန်ကြီးဌာနက ကြေညာထားသည်။
Dr. Junior = အဖျားကျအောင်လုပ်တဲ့ နည်းတွေထဲက အန္တရာယ်အကြီးဆုံးကတော့ မက်ကလောင်ဖောက်တာပဲ။ နှစ်စဉ် မက်ကလောင် ဖောက်တာကနေ ပိုးဝင်ပြီးတော့ အသက် ဆုံးရှုံးသွားတဲ့ ကလေးတွေ မနည်းလှဘူး။
မြန်မာတိုင်း (မ်) အတွဲအမှတ် ၂၄၊ အမှတ် ၄၇ဝ = သွေးလွန်တုပ်ကွေးနဲ့ပတ်သက်ပြီး မိဘတွေရဲ့ အဓိကမှားယွင်းမှုကို သိချင်ပါတယ်။ မက်ကလောင် ဖောက်တာပါ။ ကလေးရဲ့ လက်ထိပ်ကလေးတွေကို အပ်နဲ့ဖောက်ပေးလိုက်ရင် လန်းသွားမယ် ဆိုကြတယ်။ အရမ်း မှားယွင်းပါတယ်။ သွေးဆိပ်တက်ပြီး သေဆုံးနိုင်ပါတယ်။ နောက် မှားယွင်းနေတဲ့ အချက်တချက်ကတော့ သွေးလွန်တုပ်ကွေးဖြစ်ရင် သွေးသွင်းကြတာပါ။ သွေးလွန်တုပ်ကွေးဆိုတာ သွေးကြောနံရံတွေကို သွေးရည်ကြည်တွေ စိမ့်ထွက်စေတယ်။ ဒါပေမယ့် ငါးရက် ကျော်ရင် သွေးကြောထဲ အလိုလို ပြန်ဝင်လာတယ်။ မသိဘဲ အပြင်ကနေ သွေးတွေကို ထပ်ထည့်ရင် သာမန်ထက် လွန်ကဲတဲ့အတွက် ရုတ်တရက် နှလုံးခုန်ရပ်သွားတယ်။ ဒါကြောင့် သွေးလွန်တုပ်ကွေးဖြစ်တိုင်း အရမ်း သွေးမသွင်းရပါဘူး။ ခန္ဓာကိုယ်ထဲက အရည်အပြင်ကို ဘယ်လောက် ထွက်သွားလဲဆိုတာ ချိန်ဆပြီးမှန်းရပါမယ်။ အရမ်းမလုပ်ပါနဲ့။ ကလေးဆေးရုံကြီးမှာ ခန္ဓာကိုယ်က ရေဘယ်လောက် စိမ့်ထွက်သွားလဲဆိုတာ တိုင်းတာတဲ့စက်တွေ ရှိပါတယ်။
Eleven Media Group = အပူကြီးရင် အပူချပေးဖို့ လိုတယ်။ အပူချဖို့က ပါရာစီတမောကလွဲလို့ ဘာမှမသုံးသင့်ဘူး။ အကိုက်အခဲ ပျောက်ဆေး သုံးရင် သွေးယိုတာ ဖြစ်နိုင်ပါတယ်။ မက်ကလောင် ဖောက်တာလည်း မလုပ်သင့်ဘူး။ မက်ကလောင်က ပိုးဝင်ပြီး သွေးဆိပ်တက်ပြီးဆုံးနိုင်ပါတယ်ဟု အဆိုပါ ကလေးအထူးကုဆရာဝန်ကြီးကပြောကြားခဲ့သည်။
ကျွန်တော့်အမြင် -
မက်ကလောင်လုပ်တာ ဘာကောင်းသလဲ။ လက်တွေ့ စမ်းသူတွေက ရောဂါသက်သာတယ်လို့ ပြောကြတာတွေရှိမှာပါ။ ပူအောင်လုပ်ပေးရင် နာတာကိုသက်သာစေတယ်လို့ ဆေးပညာက လက်ခံပါတယ်။ သုတေသနလုပ်ရင် ရာနှုန်းများများ သက်သာတယ်ဆိုယုံနဲ့တော့ မရသေးပါ။ အပူချိန်ကိုတော့ ပြဒါးတိုင်နဲ့ တိုင်းလို့ရပေမဲ့ နာ-မနာကို တိုင်းစရာ မရှိပါ။ သက်သာတယ်လို့ ပြောတာက စိတ်ရဲ့အဆုံးအဖြတ်တခု ဖြစ်တယ်။ အနည်းဆုံးတော့ ငါ ကုသမှုတခု ခံယူလိုက်ပြီ၊ သူများတွေ ဒါလုပ်ရင်သက်သာတယ်လို့ ကြားဘူးတယ်ဆိုတဲ့ ယုံကြည်မှုကနေပါ သက်သာရာ ရစေနိုင်သေးတယ်။ သက်သာတယ် ထင်မှတ်လက်ခံရင် ကုသမှုရဲ့ရည်ရွယ်ချက်ပြည့်တယ်လို့ ပြောရတော့မှာပါ။ မက်ကလောင် ခြစ်လို့၊ ဖေါက်လို့၊ လူရဲ့သွေးမှာ ဘာတွေထူးခြား ပြောင်းလဲစေသလဲ၊ ဘာ့ကြောင့်လဲ၊ စတာတွေပါ လေ့လာရပါအုံးမယ်။
သူများတွေဆီမှာ ဘယ်လိုလုပ်ကြသလဲ
မက်ကလောင်နည်းကို သာမန်လူတွေ၊ ဒေသခံလူတွေရဲ့ဆေးနည်းလို့ ဆိုနိုင်ပါတယ်။ တရုပ်လို Gua Sha, Pinyin ခေါ်တယ်။ Scrape away fever အဖျားကို ခြစ်ထုတ်ပြစ်နည်းလို့ ဆိုပါတယ်။ ဗီယက်နမ် တွေကတော့ Scrape wind လေကို ခြစ်ထုတ်တာနဲ့၊ အင်ဒိုနီးရှားမှာလဲ Scraping technique ခြစ်နည်းပဲခေါ်တယ်။
တကယ်တန်း တရုပ်တွေလုပ်တဲ့ မက်ကလောင်နည်းကတော့ (ကြွေ) ဇွန်းနဲ့ဖြစ်ဖြစ် ပိုက်ဆံစေ့အဟောင်းနဲ့ဖြစ်ဖြစ်၊ တိရစ္ဆာန် (ကျွဲ) အရိုး-ချိုနဲ့ဖြစ်ဖြစ်၊ ကျောက်စိမ်းနဲ့ဖြစ်ဖြစ်၊ အရေပြားကို ဆက်တိုက်ခြစ်ပေးတယ်။ အရေပြားကို ထိတဲ့ နေရာက အသွားခပ်တုံးတုံး ဖြစ်ရတယ်။ ဆီတခုခုနဲ့ သုတ်ပြီးမှ ခပ်တင်းတင်းဖိပြီး၊ ကြွက်သား အောက်ဖက်ဆီကို ဖိ-ခြစ် ပေးရတယ်။ တကယ်လို့ ပင်ပန်းနွမ်းလျှတဲ့ လူနာဆိုရင် ချင်း(ဂျင်း) မြစ်ကို ခေါင်ရည်မှာ စိမ်ပြီး၊ ခါးရိုးမှာ အထက်ကနေ အောက်ဖက်ဆီလိမ်းပေးတယ်။ အပ်စိုက်နည်းမှာပါတဲ့ သတ်မှတ်မျဉ်းတွေအရ လုပ်ရတယ်။ မျဉ်းတွေဟာ ၄-၆ လက္မ အရှည်ရှိရတယ်။ အရေပြားအောက်က သွေးကြောမျှဉ်သေးသေးလေးတွေကနေ သွေးခြည်ဥ လာလိမ့်မယ်။ များတဲ့နေရာမှာ အရေပြားအောက်မှာ ပိုကြီးတဲ့သွေးယိုတာ ဖြစ်လာမယ်။
၂-၄ ရက်ကြာမှာ မှေးမှိန်သွားပါမယ်။ နာတယ်ထင်ရပေမဲ့ မနာဘူးတဲ့။ ရောဂါသက်သာတယ်လို့ ခံစားလာမယ်တဲ့။ အဖျား၊ ခေါင်းကိုက်၊ နာတာ၊ ကြွက်သား-အကြော ထိခိုက်တာ၊ အပူဒဏ်-အအေးဒဏ်ကြောင့် အားယုတ်တာ၊ အစာမကျေ၊ ချောင်းဆိုး၊ ရင်ကြပ်၊ ပန်းနာ၊ ဆီးလမ်းနာ၊ မွေးလမ်းနာ၊ အစာဆိပ် သင့်တာတွေအတွက် ဒီဆေးကုနည်းကို သုံးရပါသတဲ့။
နောက်တနည်းကို Ba Sha ခေါ်တယ်။ Pull out fever အဖျားထုတ်ပစ်နည်းပါ။ အရေပြားကို သွေးခြည်ဥအောင် အထိ ကုပ်ဆွဲပေးနည်း ဖြစ်တယ်။ များသောအားဖြင့် အရွတ်ကြော၊ နဖူးအလယ်ခေါင်နေရာတွေမှာ လုပ်ကြတယ်။
ဒီနည်းမှာ သွေးစို့အောင်၊ သွေးထွက်အောင် ဖေါက်-ခြစ်တဲ့အတွက်ကတော့ သွေးလွန်တုပ်ကွေးမှာ ပိုဆိုးစေမှာ အမှန်ပါ။ ရောဂါကြောင့်လား၊ ဒါ့ကြောင့်လား အခွဲရခက်စေတယ်။ မက်ကလောင်အစွမ်းကြောင့် သွေးထွက်ရောဂါရှိနေသူဆိုရင် သွေးပိုထွက်စေပါမယ်။ တခြားပိုးတွေဝင်နိုင်တာလည်းပါတယ်။ ဆေးကုသတာမှာ ဒါနဲ့တင်ပြီးပြီလို့ ထင်မှတ်စေအုံးမယ်။ ကိုယ့်ဆေးပညာ မဟုတ်လို့ အပြစ်ပြောတာမဟုတ်ပါ။ Artesunate, Artemether ဆေးတွေဟာ တရုပ်တိုင်းရင်းဆေးက လာတာပေမဲ့ ငှက်ဖျားဆေးကောင်းတွေလို့ ဆေးပညာရှင်တွေကပါ သုတေသနလုပ်လက်ခံပြီး၊ တကမ္ဘာလုံး သုံးနေကြပါတယ်။ တရုပ်မက်ကလောင်ကိုတော့ အဲလိုအဆင့်ထိ လက်မခံပါ။
၂ဝဝ၁ ကရိုက်တဲ့ The Treatment ရုပ်ရှင်တကားရှိတယ်။ အမေရိကရောက်နေတဲ့ ကလေးတွေဆီ လာလယ်တုံး၊ မြေးကလေး ကိုယ်ပူတော့ တရုပ်အဖိုးကနေ Gua Sha နည်းနဲ့ ကုပေးတယ်။ ကလေးမှာ သွေးခြည်ဥနေတဲ့ အခြစ်ရာ အစင်းအစင်းတွေတွေ့တော့ ကလေးကို တလွဲလုပ်တယ်လို့ အထင်မှားခံရပြီး၊ ဒုက္ခအကြီးအကျယ် ရောက်ကြရတယ်။
ဘာဘဲဖြစ်ဖြစ် ငှက်ဖျားကို ငှက်ဖျားဆေးမသောက်ပဲ၊ လိုအပ်ရင်မထိုးပဲနဲ့တော့ ဟိုနည်းဒီနည်းမလုပ်ပါနဲ့။ ဦးနှောက်ထဲ ပိုးရောက်ရင် ကျောက်စိမ်းနဲ့ ခြစ်လို့လည်းရတော့မှာမဟုတ်ပါ။ သွေးလွန်တုပ်ကွေး ဖြစ်နေချိန်မှာလည်း လက်ရှောင်ကြပါ။ သွေးကတဆင့်ကူးစက်တဲ့ HIV ပိုး၊ အသည်းရောင် (စီ) ပိုး၊ (ဘီ) ပိုးတွေက ကုသရခက်ခဲလွန်းတာ သတိပြုပါ။
Dr. တင့်ဆွေ

Anal itching စအိုနေရာယားခြင်း
(ကန်တော့ပါ။ ကွန်မင့်မှာ မဖွယ်မရာရေးလာရင် ဖျက်ပါမယ်။ လိုအပ်ရင် ဘလော့ပါမယ်။)
၁။ အသက်က ၂၅ ပါ။ မိန်းကလေးပါ အပျိူပါ။ မေးရမှာတော့ရှက်တယ် ဆေးခန်းလဲမသွားရဲလို့ပါ။ စအိုဝက အရမ်းယားလို့ပါ။ ကုတ်မိလို့ နည်းနည်းတောင် အနာဖြစ်ချင်နေပြီဆရာ။ ဘယ်လိုလုပ်ရမှန်းလဲ မသိလို့ ကူညီပေးပါဆရာ။
၂။ နားနှင့်မနာ ဖဝါးနှင့်နာပါရှင့်။ သမီးက အသက် (၂၈) နှစ် အပျိုပါ။ စအိုတ၀ိုက်မှာ ယားယံနေသည်မှာ နှစ်လကျော်လောက် ရှိပါပြီ။ သံချဆေး Albandazone 400mg ကို နှစ်ပတ်ခြားတစ်ခါ သုံးကြိမ် သောက်ပြီးပါပြီ။ ဒါပေမယ့် စအိုပတ်လည်တင်မကဘဲ မိန်းမအင်္ဂါ ဘေးနှစ်ဘက်နှင့် အပြင်လမ်းကြောင်းမှာပါ ယားယံနေပါတယ်။ နေ့ရောညပါ ယားနေတာပါ။ အရင် ယားနေတာ အဖြူမဆင်းပါဘူး။ အခု အဖြူဆင်းတာ နှစ်ရက်ရှိပါပြီ။
ဆေးပညာစာဖြစ်လို့ ရောဂါတွေကို စုံအောင်ရေးရတယ်။ အလွယ်ဆုံးနည်းကတော့ သန်ချဆေးသောက်တာနဲ့ စသင့်တယ်။ စအိုနေရာယားခြင်းကို ဆေးစာနဲ့ Pruritus Ani လို့ခေါ်တယ်။ ဖြစ်စေတဲ့ အကြောင်းရင်းတွေမှာ သာမန်ကာ ရှန်ကာ ဥပမာ အစားအသောက်၊ သန့်ရှင်းမှုလိုတာမျိုးတွေပါသလို ဆေးကျကျနနကုမှ ပျောက်မှာလဲပါတယ်။ အရေပြား ခြောက်သွေ့နေခြင်း၊ အရေပြားစိုထိုင်းမှု များနေခြင်း၊ ဝမ်းမလုံရောဂါ၊ ဝမ်းနုတ်ဆေး လိုတာထက်ပိုသောက်ခြင်း၊ ဆေးကြောတာကို လိုတာထက်ပိုလုပ်ခြင်း၊ ဆပ်ပြာ၊ သန့်ရှင်းရေးသုံးဆေးရည်၊ ကိုယ်ဝန်တားပစ္စည်း စတာတွေနဲ့ မတည့်ခြင်း၊ Psoriasis, Seborrhea, Eczema အရေပြားနာတွေ ရှိနေခြင်း၊ လိပ်ခေါင်း၊ စအိုကွဲနာ၊ ဂရင်ဂျီနာ၊ စအိုဘေး ပွန်းပဲ့နေခြင်း၊ အပူ-အစပ်၊ ခရမ်းချဉ်သီး၊ အချဉ်သီး၊ ချောကလက်၊ ပိုးသေဆေးတွေ သောက်နေရခြင်း၊ STD လိင်ကတဆင့်ကူးစက်ရောဂါ၊ Pinworms တုပ်ကောင် (သန်ကောင်) ရှိခြင်း၊ စအို ကင်ဆာ၊ စိတ်ဖိစီးမှုများခြင်း၊ သောကများခြင်း၊
အကြောင်းခံကိုရှာပြီး ကုသရမယ်။ နေရာကို သန့်ရှင်းရေး လုပ်သင့်သလောက် ညင်ညင်သာသာ လုပ်ပါ။ ပြီးတာနဲ့ ခြောက်သွေ့အောင်လုပ်ပါ။ ပေါင်ဒါ ထည့်နိုင်တယ်။ လေမှုတ်ကရိယာ သုံးနိုင်တယ်။ (တစ်ရှူး-ပေပါ) သုံးနိုင်တယ်။ (တစ်ရှူး-ပေပါ) အမျိုးအစား ပြောင်းသုံးပါ။ ဝမ်းချုပ်တာ၊ ဝမ်းပျက်တာ ကုသပါ။ အတတ်နိုင်ဆုံး မကုပ်ပါနဲ့။ ရေအေး၊ ရေနွေး သုံးကြည့်ပါ။ (ကော်တွန်) အောက်ခံသာသုံးပါ။ တင်းကြပ်မနေပါစေနဲ့။
Pinworm တုပ်ကောင် (သန်ကောင်)
Mebendazole (Vermox) ဆေးကို တကြိမ်တည်းပေးတာနဲ့ ရတာများတယ်။ တချို့ကို ၁ ပါတ်နေတခါ၊ ဒါမှ မဟုတ် ၂ ပတ်နေတခါ ထပ်ပေးရတယ်။ တကြိမ်တည်းပေးပြီးနောက် ၃ ပတ်နေရင် တခါထပ်ပေးသင့်တယ်။ နောက် ၃ ပတ် နေရင်ရင် တခါ၊ ပေါင်း ၃ ခါပေးရတယ်။ အသက် ၂ နှစ်အောက် ဆေးတဝက်သာပေးပါ။ Albendazole ကိုလဲ အဲလို ပေးသင့်တယ်။ ဒီဆေးက ဘေးထွက်ဆိုးကျိုးနဲနဲပိုတယ်။ Pinworms သန်ကောင်က ဆီးလမ်း၊ လိင်လမ်းကိုပါ ကူးစက်တာဆိုရင် Mebendazole (Vermox) + Ivermectin (Stromectol) ဆေး ၂ မျိုး တွဲပေးရမယ်။
Ivermectin (Stromectol) ဆေး
အရေပြားအောက်ကနေဝင်တဲ့ Strongyloidiasis (Threadworm) သန်ကောင်အတွက် သုံးတယ်။ အသဲနဲ့ အူထဲအထိ ရောက်တယ်။ Onchocerciasis (River blindness) ရောဂါအတွက်ကိုလည်း ပေးတယ်။ မျက်စိကို ထိခိုက်စေတဲ့ သန်ကောင် ဖြစ်တယ်။ 3, 6, or 12 လစီခြား ပေးရမယ်။ လူကြီး 150 mcg/kg တကြိမ်ပေးပါ။ နောက် ၃-၁၂ လမှာ ထပ်ပေးပါ။ အသက် ၂ နှစ်အောက် ဆေး တဝက်သာပေးပါ။ Strongyloidiasis (Threadworm) အတွက်ပေးရင် ဝမ်းစစ်တာကို ၃ ခါ လုပ်သင့်တယ်။ မတွေ့မှ ကင်းရှင်းပြီလို့ ပြောနိုင်တယ်။ လူကြီး = 200 mcg/kg နဲ့ ၂ နှစ်အောက် ဆေးတဝက်သာပေးပါ။ Roundworm သန်လုံးကောင်၊ သန်းနဲ့ ဝဲ-ယားနာတွေအတွက်လည်း သုံးနိုင်တယ်။ ဒီဆေးကို အစာမရှိချိန်မှာ ပေးတာကောင်းတယ်။ ဘေးထွက်-ဆိုးကျိုး = ခေါင်းကိုက်၊ ခေါင်းမူး၊ ကြွက်သားနာ၊ ပျို့၊ ဝမ်းပျက်။
Yeast infections (Candidiasis) မှို (ဖန်းဂတ်စ်)
အမျိုးသမီးတွေမှာ ဖြစ်လေ့ရှိတယ်။ စအိုနေရာသာမက (ဗဂျိုင်းနား) နေရာတွေမှာပါ ယားတယ်။ ဆီးချိုးရှိနေရင် ပိုဆိုးမယ်။ လူတွေရဲ့ ပါးစပ် နဲ့ (ဗဂျိုင်းနား) မှာ ရှိနေတဲ့အကောင်။ ဒါ့ကြောင့် မွေးလမ်းကြောင်းမှာ ဒီမှိုကြောင့်ရတဲ့ ရောဂါကို STD လိင်ကတဆင့် ကူးစက်ရောဂါလို့ မသတ်မှတ်ဘူး။ အမျိုးသမီးတွေမှာ တသက်မှာ အနည်းဆုံးတခါ ဖြစ်သူပေါင်း ၇၅% ရှိတယ်။ ယားမယ်၊ အဖြူဆင်းမယ်၊ ဒိန်ခဲလို အဖတ်အဖတ်တွေ ဖြစ်တတ်တယ်။ လိင်ဆက်ဆံတဲ့အခါ နာမယ်။ ဒီဆေးတွေက (ဗဂျိုင်းနား) ထဲ ထည့်ရတယ်။ စအိုနေရာကိုပါ လိမ်းနိုင်တယ်။ Clotrimazole Vaginal suppositories မွေးလမ်းထည့်ဆေး 100 mg ၆ ည၊ 200 mg ၃ ည။ Miconazole ointment or 2% cream or 100-200 mg suppository မွေးလမ်းထည့်ဆေး၊ ၃ ည။ Nystatin 100,000 units vaginal tablets မွေးလမ်းထည့်ဆေး ၁၄ ရက်။ Fluconazole 150 mg ပြန်ပြန်ဖြစ်နေသူတွေကို တပါတ်တခါ ပေးတယ်။ အဖြူဆင်းတာနဲ့ပါ တွဲနေတတ်လို့ Metronidazole စားဆေး တခါသောက် ၁ ပြား၊ တနေ့ ၂ ကြိမ်၊ ၇ ရက် သောက်ပါ။
ယားတာကိုသက်သာအောင် Hydrocortisone cream or ointment (Cortaid, Preparation H Anti-Itch Cream) (စတီရွိုက်) လိမ်းဆေး အများဆုံး သုံးတယ်။ Zinc oxide ointment (Desitin, Balmex) လိမ်းဆေး နဲ့ Capsaicin ငရုပ်သီးကနေလုပ်တဲ့ လိမ်းဆေးကိုလဲ သုံးနိုင်တယ်။ Antihistimine (Cetrizine) သောက်ဆေး တည ၁ ပြားသောက်ရင် ယားတာ သက်သာမယ်။ အဲတာတွေက ဖြစ်စေတာကို ပျောက်စေတာမဟုတ်ပါ။
Dr. တင့်ဆွေ

LikeShow more reactions

CommentShare

                 Bell's palsy မျက်နှာတခြမ်းလေဖြတ်ခြင်း
ကျနော်အသိတယောက် ဦးခေါင်းတခြမ်းကိုက်ပြီး ပါးတဖက်စောင်းနေတယ်။ ပြီးတော့ မျက်စိတဖက်လဲ မှိတ်လို့မရဘူး ဖြစ်နေတယ်။ ခန္ဓာကိုယ် ကျန်းမာရေးကောင်းပါတယ်။ ဦးခေါင်းတဖက်ကိုက်ခဲနေပြီး စကားပြောရတာလဲ အဆင်မပြေဘူး။ မျက်စိတဖက်ကလဲ လုံးဝမှိတ်လို့မရဖြစ်နေတယ်။ ဘယ်လိုလုပ်ရမယ်ဆိုတာ အကြံးပေးသေချင်ပါတယ်။
မျက်နှာတခြမ်းလေဖြတ်တာကို Bell's palsy လို့ခေါ်တယ်။ စကော့တလန်ဆရာဝန် Charles Bell ကနေစသိခဲ့တဲ့ Facial paralysis တမျိုး ဖြစ်တယ်။ လူတသန်းမှာ ၂ဝ-၂၃ ယောက်ဖြစ်တယ်။ အသက်ရလေဖြစ်နိုင်ခြေများလေ။ အမေရိကားမှာ တနှစ်မှာ လူ ၄ သောင်းဖြစ်တယ်။
ဖြစ်တဲ့ဘက်က Cranial nerve VII (Facial nerve) အာရုံကြောမှာရောဂါလာဖြစ်တာပါ။ Brain tumor ဦးနှောက် အကျိတ်၊ ဦးနှောက်သွေးကြောပိတ်တာ၊ (လိုင်းမ်) ရောဂါစတဲ့ ဆိုးတဲ့ရောဂါတွေရဲ့ အဆက်ကနေလဲ ဖြစ်တယ်။ ဗိုင်းရပ်စ် ကနေလဲ ဖြစ်နိုင်တယ်။ များသောအားဖြင့် ရေယုံပိုး။ ရေကျောက်၊ Infectious mononucleosis (အင်ဖက်ရှပ်စ်-မိုနို နူကလီယိုးဆစ်) တွေကနေဖြစ်စေတယ်။ တခါတလေဘာလို့ဖြစ်လဲမသိနိုင်ဘူး။ တစိတ်တပိုင်းကနေ လုံးဝ အာရုံကြော အလုပ်မလုပ်တာအထိ ဖြစ်တယ်။ နှစ်ဖက်လုံးဖြစ်တာ ၁% တောင်မရှိဘူး။
ရုတ်တရက်ဖြစ်မယ်။ မျက်နှာကြွက်သားတွေ တွဲလုပ်တဲ့အလုပ်ကိုထိခိုက်မယ်။ Lower motor neuron type အမျိုးအစား လေဖြတ်တယ်လို့ ခေါ်တယ်။ ဖြစ်တဲ့ဘက်မှာမျက်လုံးကိုပိတ်မရဘူး၊ မျက်တောင်ခတ်တာ၊ မျက်လုံးပိတ်-မှိတ်တာ၊ ပြုံးတာ၊ မျက်မှောင် ကုပ်တာ၊ တံတွေးမထိန်းနိုင်တာ၊ နှာသီးဖျားဖေါင်း-ပိန်လုပ်တာ၊ မျက်စပြစ်တာတွေ မလုပ်နိုင် ဖြစ်လာတယ်။ မျက်ရည် နည်းလာမယ်။ နားနောက်ကနာမယ်။ မျက်နှာကြွက်သားတွေ အားနည်းလာမယ်။ မျက်စိပိတ်ဘို့ ခက်လာမယ်။ သွား-ပါးထုံလာမယ်။ မျက်ရည်စီးကျမယ်။ မျက်စိဝေဝါးမယ်။ အောက်မျက်ခွံလံနေမယ်။ အပေါ်မျက်ခွံ အောက်ကျနေမယ်။ နှာခေါင်းနဲ့ ပါးစပ်ကြားအရစ် ပျောက်မယ်။ မျက်လုံးပေါ်နေလို့ မျက်ကြည်လွှာရောင်မယ်။ ဒါဆိုရင် ဆိုးတယ်။ လျှာ ရှေ့ပိုင်း ၃ ပုံ ၂ ပုံမှာအရသာပျက်လာသေးတယ်။ ၃ဝ% အသံလှိုင်းအပြောင်းအလဲမှာထူးခြားတာမယ်။ ခါတိုင်းကြားနေကြအသံကို မခံချင်ဖြစ်လာတယ်။ ၅၇% အရသာပျက်မယ်။ ၆ဝ% နားထဲမှာကိုက်မယ်။
နောက်ဆက်တွဲဖြစ်လာနိုင်တဲ့ဆိုးကျိုးတခုကတော့ အရသာပျက်တာ၊ မျက်နှာကြွက်သားလှုတ်နေတာ၊ မျက်နှာနာနေတာနဲ့ မျက်ကြည်လွှာပိုးဝင်တာတွေ ဖြစ်တယ်။
ဘယ်လိုကုသမလဲ
မျက်စိကိုကာကွယ်မှုလုပ်ရမယ်။ Artificial tears မျက်ရည်တုမျက်စဉ်းခပ်ပါ။ မျက်ခွံကိုပလာစတာနဲ့ ၁-၂ ရက် ပိတ်ထားသင့်သေးတယ်။ အောက်မျက်ခွံလံနေတာကိုလဲပလာစတာနဲ့ ယာယီလုပ်ပေးနိုင်တယ်။ မျက်ခွံအစပ် အလယ်နေရာကနေဘေးဘက်နဲ့ အထက်ဆီကိုဆွဲပြီးမျက်ရိုးကွင်းမှာကပ်ထားပါ။ ဆေးပေးရတာရဲ့ ရည်ရွယ်ချက်ကပိုမဆိုးအောင်နဲ့ သက်သာစေဘို့ဖြစ်တယ်။
American Academy of Neurology အဆိုအရ Acyclovir + Prednisone ပေးသင့်တယ်။ Corticosteroids (Prednisone) ဆေးရဲ့ ဘေးထွက်-ဆိုကျိုးတွေကိုလဲ သတိထားရမယ်။ ကိုယ်ရောင်၊ (ပိုတက်ဆီယမ်) နည်း၊ ကြွက်ားအားနည်း၊ လေနာဖြစ်၊ ခေါင်းကိုက်၊ ရာသီမမှန်၊ မျက်စိအတွင်းတိမ်၊ မျက်စိရေတိမ် နဲ့ ဆီးချိုတွေကို သတိထားရတယ်။ စတီရွိုက်ဆေးနဲ့ စောစောပေးရင် သက်သာတာအမှန်ဘဲ။ ဖြစ်ကာစ ၃ ရက်အတွင်းမှာပေးနိုင်ရင် ကောင်းတယ်။ ၁၄% ပြန်ကောင်းနိုင်တယ်။
Prednisone 1 mg/kg or 60 mg/day ကို ၆ ရက်ဆက်ပေးပြီး ၁ဝ ရက်အထိလျှော့လျှော့ပေးသွားရတယ်။ ဒါပေမဲ့ တီဘီ၊ ကိုယ်ဝန်၊ လေနာ၊ ပိုးဝင်နေတာ၊ ဆီးချို၊ သွေးတိုး၊ ကျောက်ကပ်မကောင်း၊ အသည်းမကောင်းသူတွေနဲ့ HIV, Sarcoidosis ရောဂါရှိသူတွေကို သတိထားပေးရတယ်။ Antivirals ဗိုင်းရပ်စ်ဆေးထဲက Acyclovir (Zovirax) နဲ့ Valacyclovir (Valtrex) တွေသုံးတယ်။ Acyclovir (Zovirax) ကို 400 mg orally 5 times daily for 10 days ပေးတယ်။ Varicella zoster virus (VZV) လို့ထင်ရင် 800 mg orally 5 times daily ပေးသင့်တယ်။ Valacyclovir (Valtrex) 500 mg twice daily for 5 days ကိုလဲပေးနိုင်တယ်။ VZV ကြောင့်ဖြစ်တာဆိုရင် 1000 mg orally 3 times daily ပေးတယ်။
တချို့ ခွဲစိတ်ပြုပြင်ပေးဘို့လိုမယ်။ နည်းတွေအမျိုးမျိုးရှိတယ်။ ဒါပေမဲ့ အကောင်းအဆိုးချင့်ချိန်ရတယ်။ ခွဲစိတ်နည်းတွေမှာ Facial nerve decompression, Subocularis oculi fat lift, Implantable devices placed into the eyelid, Tarsorrhaphy, Transposition of the temporalis muscle, Facial nerve grafting နဲ့ Direct brow lift နည်းတွေ ရှိတယ်။ ခွဲစိတ်နည်းတွေကိုဆေးနဲ့လဲမရလုံးဝလဲဖြစ်နေတာအတွက်သာစဉ်းစားသင့်တယ်။ (ဗီဇီယိုသာရာပီ) အကြောကုသနည်းကိုလဲတချို့ကိုသာလုပ်သင့်တယ်။ Acupuncture အပ်စိုက်ကုသတာလဲ လူတိုင်းအတွက်ကောင်းမယ် မဟုတ်ပါ။ Botulinum toxin ထိုးဆေးကိုလဲသုံးတယ်။ အရေပြားထဲဖြစ်ဖြစ် မျက်စိအဖုံး အောက်မှာဖြစ်ဖြစ်ထိုးတယ်။ Tarsus အနားသပ်အထက်ကနေLevator muscle ဆီဦးတည်ထိုးရတယ်။ မျက်ကြည်လွှာကို ကာကွယ်ပေးတယ်။
စတီရွိုက်ဆေးနဲ့ပတ်သက်တဲ့ သတိထားရမှာတွေ မရှိရင် ချက်ချင်း Prednisolone တခါသောက် ၂ ပြား၊ တနေ့ ၄ ကြိမ်၊ ၂ ရက်၊ နောက်မှာ တခါသောက် ၂ ပြား၊ တနေ့ ၃ ကြိမ်၊ ၂ ရက်၊ နောက်မှာ တခါသောက် ၁ ပြား၊ တနေ့ ၄ ကြိမ်၊ ၂ ရက်၊ နောက်မှာ တခါသောက် ၁ ပြား၊ တနေ့ ၃ ကြိမ်၊ ၂ ရက်၊ နောက်မှာ တခါသောက် ၁ ပြား၊ တနေ့ ၁ ကြိမ်၊ ၂ ရက်၊ နောက်မှာ တခါသောက် ၁ ပြား၊ တနေ့ ၁ ကြိမ်၊ ၂ ရက်၊ သောက်စေပါ။ တပြိုင်တည်းမှာ Parecetamol တခါသောက် ၁ ပြား၊ တနေ့ ၃ ကြိမ်ကိုပါ တွဲသောက်ပါ။
၁၉၈၂ ခုနှစ်မှာဒီရောဂါလူနာပေါင်း ၁ဝ၁၁ ယောက်ကိုလေ့လာမှုတော့ ဆေးမကုဘဲနဲ့ ၈၅% ဟာ ၃ ပါတ်အတွင်း ပြန်ကောင်းလာတယ်။ အဲဒီအချိန်ကဆေးနည်းဆိုတာမပေါ်သေးဘူး။ ကျန် ၁၅% ဟာ ၃-၆ လအထိအချိန်ယူတယ်။ တနှစ်ကြာတော့ ၇၂% အကောင်းပကတိ ဖြစ်နေတယ်။
ဒေါက်တာတင့်ဆွေ

LikeShow more reactions

CommentShare

       အသည်းရောင် စီပိုးအား သောက်ဆေးနဲ့ ပျောက်ကင်းအောင်   ကုသနိုင်ပြီ

နွေဦး အထူးကုဆေးခန်းနှင့်အဆင့်မြင့်ရောဂါရှာဖွေရေး added 2 new photos.

· January 17, 2016 ·

       အသည်းရောင် စီပိုးအား သောက်ဆေးနဲ့ ပျောက်ကင်းအောင် ကုသနိုင်ပြီ
၁။ အသည်းရောင် စီပိုးရှိတဲ့လူဟာ ရောဂါလက္ခဏာ မပြတဲ့အတွက် အသည်းရောင် စီပိုးရှိပေမယ့် ရှိတယ်လို့ မသိကြဘူး။ သိလည်း မသိနိုင်ဘူး။ မသိဘဲ နှစ်ရှည်လများ အနေကြာတဲ့အခါ အသည်းခြောက်၊ အသည်းကင်ဆာတွေရဲ့ လက္ခဏာ ပြတော့တာပဲ။ သွေးစစ်ကြည့်မှ သိနိုင်တဲ့ရောဂါဖြစ်နေတော့ သွေးစစ်ကြည့်ရတယ်။ သွေးစစ်ကြည့်တဲ့အခါမှာ လည်း တစ်ဆင့်တည်းနဲ့ မရဘူး။ (၂)ဆင့် စစ်ရတယ်။ Anti HCV ခေါ်တဲ့ ပဏာမ သွေးစစ်ချက်ကို စစ်လို့ Positive ဖြစ်ရင် စီပိုး ရှိနိုင်တယ်။ အသည်းရောင် စီပိုးဝင်ဖူးတယ်လို့ ပြောနိုင်တယ်၊ ရှိနိုင်တယ် ပြောတာဟာ ရှိနေပြီလို့ ပြောတာ မဟုတ်ဘူး။ HCV RNA PCR ခေါ်တဲ့ ဒုတိယအဆင့် ဈေးကြီးကြီး စမ်းသပ်မှုကို ပြုလိုက်မှ ရှိတယ် မရှိတယ် လိုင်းပြတ် သွား တယ်။ မရှိရင် ဘာမှ လုပ်စရာမလိုတော့ဘူး။ ရှိရင်တော့ ကုရမယ်။

၂။ အသည်းရောင်စီပိုးကို ၂၀၁၄ ခုနှစ် မတိုင်မီအထိ ကုသရခက်ခဲ ခဲ့ပါတယ်။ Interferon ထိုးဆေးနှင့် Ribavirin စားဆေးနဲ့ ကုသခဲ့ရတယ်။ ကုသချိန်ကလည်း Genotype အလိုက် တစ်နှစ်၊ တစ်နှစ်ခွဲ ခန့်ကြာတယ်။ သိန်း ၁၀၀ ၊ သိန်း ၁၅၀ လောက်ကျတယ်။ ကုသခံရသူမှာလည်း ဘေးထွက်ဆိုးကျိုးတွေဒဏ်ကို တော်တော်လေးခံရတယ်။ Ribavirin လို့ခေါ်တဲ့ စားဆေးကြောင့် ကုသခံရသူမှာ သွေးဥတွေ ကွဲတတ်တယ်။ အမျိုးသားပဲစားစား၊ အမျိုးသမီးပဲ စားစား အင်္ဂါချို့ယွင်းတဲ့သန္ဓေသားကို ဖြစ်စေနိုင်တယ်။ အခြားဆေးတွေကတော့ ခေါင်းမူးတာ၊ နည်းနည်း မောဟိုက် တာ၊ ဗိုက်မအီမသာဖြစ်တာ၊ ဟိုနားဒီနား နာတာ တချို့မှာ ဖြစ်တယ်။
၃။ ဒါပေမယ့် ၂၀၁၅ ခုနှစ်မှာပေါ်တဲ့ စားဆေးတွေက အားကောင်းတယ်။ ကုထုံးလည်းတိုသွားတယ်။ ရက်တိုတိုနဲ့ ပျောက်နှုန်း ၉၀ ရာနှုန်းကျော် ပျောက်အောင်ကုသနိုင်စွမ်းရှိတယ်။ Gilead Company ကြီးက ထုတ်တဲ့ Sovaldi ခေါ်တဲ့ Sofosbuvir ဟာ ကောင်းလည်း ကောင်းတယ်။ ဆေးတစ်ပြား ဒေါ်လာ ၁၀၀၀ လောက်တန်တယ်။ ဒါပေမယ့် Gilead Company ကြီးက စီပိုးလည်း အဖြစ်များ၊ ဆင်းလည်းဆင်းရဲတဲ့နိုင်ငံ (၉၁)နိုင်ငံမှာ Generic ဆေးတွေ ထုတ်ခွင့်ပြု လိုက်တယ်။ ဆေး တစ်ပြား ၅ ဒေါ်လာ၊ ၆ ဒေါ်လာလောက်ပဲ ကျတယ်။ (၃)လ အတွင်း သိန်း ၂၀၊ ၂၅ သိန်း နှင့် စီပိုးကို ပျောက်အောင် ကုနိုင်လာတယ်။ Ledispavir ဆိုတဲ့ နောက်ဆေးတစ်မျိုးကိုလည်း Gilead ကုမ္ပဏီက ထုတ်လုပ်တယ်။ Sofosbuvir နှင့် Ledispavir နှစ်ခုကို ပေါင်းပြီး ဆေးတစ်လုံးတည်းနှင့် တစ်နေ့ တစ်ကြိမ်သောက်ရတဲ့ဆေး Harvoni ကိုလည်း ထုတ်လုပ် ပြန်တယ်။ ဈေးအလွန်ကြီးတယ်။ ဒါပေမယ့် ဆင်းရဲတဲ့ (၉၁)နိုင်ငံအတွက် ဈေးချိုချိုနှင့် အသုံးပြုခွင့် ပြုပြန်ရော၊ ပိုးအမျိုးအစား Genotype ၁၊ ၄၊ ၅၊ ၆ အတွက် တစ်နေ့တစ်လုံး (၃)လ သောက်ရုံနှင့် အသည်းရောင် စီပိုးရှိသူ၊ အသည်းရောင်စီပိုးရှိပြီး ယခင်က ထိုးဆေး၊ စားဆေး (၆)လ၊ (၁) နှစ်ကုပြီး မပျောက်ကင်းသူတွေ အားလုံးမှာ ၉၀ ရာခိုင်နှုန်းလောက်ပျောက်တယ်။ အသည်းခြောက်ရောဂါရှိပြီး ဆေးပြန်ကုရတဲ့လူတွေကတော့ (၆) လလောက် သောက် ရမယ်တဲ့။ နောက်ဆေးတစ်မျိုးပေါ်သေးတယ်။ Doclatasvir ဆိုတဲ့ဆေးဟာ Ledispavir လိုပဲ Sofosbuvir နှင့် ပေါင်းရင် ပိုးအမျိုးအစားအားလုံး All Genotype (Genotype 1,2,3,4,5,6) ကို (၃)လကုရုံနှင့် (၉၀) ရာခိုင်နှုန်းလောက် ပျောက် မယ်။ နောင်ကျရင် Harvoni လိုပဲ နှစ်ခုပေါင်းပြီး တစ်နေ့ တစ်လုံးစားတဲ့ဆေး ထုတ်မယ်။
၎။ အသည်းရောင်စီပိုး မကုသမီ ပိုးအမျိုး အစားခွဲဖို့ လိုတယ်။ ပိုးအမျိုးအစား မခွဲတဲ့ကုနည်းလည်း ရှိတယ်။ အသည်းကျစ်/မကျစ်၊ အသည်းခြောက်/မခြောက်၊ အသည်းမှာအလုံးရှိ/မရှိစစ်ရမယ်။ အသည်းအပြင် အရိုးအဆစ်ကိုက် စတဲ့ အခြားရောဂါလက္ခဏာတွေရှိလား စစ်ရ တယ်။ ဆီးချို၊ သွေးတိုး၊ သွေးတိုး၊ နှလုံး၊ ကျောက်ကပ်၊ အဆုတ် ရောဂါ တွေ စစ်ရတယ်။ အသေးစိတ် စစ်ဆေးမှုမျိုးတော့ မဟုတ်ဘူး၊ အကြမ်းဖျမ်းစစ်ဆေးမှုမျိုးသာ ဖြစ်ပါတယ်။ သွေးနီဥ၊ သွေးဖြူဥ၊ သွေးမွှားဥ ကောင်း မကောင်း စစ်ရမယ်။ အဖြေတွေ အဆေင်ပြေရင် စကုလို့ ရပြီ။
၅။ ၁၉၉၀-၂၀၀၀ ပြည့်နှစ်တွေမှာ အသည်းရောင် စီပိုးအကြောင်း ကောင်းကောင်း မသိဘူး။ ကုလို့ မပျောက်ဘူး။ နောက်တော့ ထိုးဆေး၊ စားဆေး အတွဲနှင့် ၆ လ၊ ၁ နှစ် ကုရတယ်။ ၆၀ ရာခိုင်နှုန်း၊ ၇၀ ရာခိုင်နှုန်းသာ ပျောက်တယ်။ စွယ်ပွားအန္တရာယ်များလွန်းလို့ ကုသူနည်းတယ်။ အခုတော့ ၂၀၁၅ ခုနှစ်မှာ DAA ခေါ်တဲ့ သောက်ဆေးသစ် (၃) မျိုး ပေါ်တယ်။ အလွန်ဈေးကြီးတယ်။ ဒါပေမယ့် ဆင်းရဲတဲ့နိုင်ငံတွေအတွက် Generic တွေ အသုံးပြုခွင့်ပြုတယ်။ သောက် ဆေး(၃)မျိုးကတော့ -
(က) Sofosbuvir (Sofgen)
(ခ) Ledipasvir
(ဂ) Daclatasvir တို့ ဖြစ်တယ်။
၆။ ပိုးအမျိုးအစား Genotype (1) ၊ (4) နှင့် (6) အတွက်
- Sofosbuvir + Ledipasvir (၃) လ (သို့မဟုတ်) Sofosbuvir + Daclatasvir (၃) လ သောက်ရမယ်။
၇။ ပိုးအမျိုးအစား Genotype (2) အတွက်
- Sofosbuvir + Ribavirin (၃) လ (သို့မဟုတ်) Sofosbuvir + Daclatasvir (၃) လ သောက်ရမယ်။
၈။ ပိုးအမျိုးအစား Genotype (3) အတွက်
- Sofosbuvir + Ribavirin (၆) လ (သို့မဟုတ်) Sofosbuvir + Daclatasvir (၃) လ သောက်ရမယ်။
၉။ အသည်း မခြောက်သေးတဲ့ အရင်ကုထုံး နဲ့ မပျောက်သူတွေကို ဒီကုထုံးအတိုင်း ကုနိုင်တယ်။ HIV နှင့်တွဲရှိတဲ့ လူတွေလည်း ကုထုံးက အတူတူပဲ။ ဒါပေမယ့် ဆေးတည့် မတည့် စစ်ရမယ်။
ပါမောက္ခ ဒေါက်တာသံစစ်
Ref: Health Digest Journal, Vol(13), No.(14) 30-12-2015 Page 20

နှာခေါင်းထိပ်က မည်းမည်းလေးတွေကို ရိုးရှင်းလွယ်ကူစွာဖယ်ရှားနည်း

မျက်နှာ အဆီပြန်တတ်သူတွေ နဲ့ ပေါင်းစပ်အသားအရေ (ခေါ်) နဖူးအလယ် နှာခေါင်း၊ မေးစေ့ တွေမှာ အဆီပြန်တတ်သူတွေဟာ အမည်းစက်တွေ ထွက်လေ့ရှိပါတယ်။

အမည်းစက်လို့ ဆိုပေမယ့် တကယ်တမ်းမှာတော့ ဝက်ခြံဖြစ် ပြီး ၄င်းကိုညှစ်လိုက်တဲ့အခါအထဲ က အဖြူရောင်အဆန်လေးတွေ ထွက်လာတာမျိုးပါ။အဲ့လိုအမည်းစက်တွေကိုတော့ နှာခေါင်းထိပ်တစ် ဝိုက်မှာ အများဆုံးတွေ့ရပြီး နှာ ခေါင်းဘေးကပ်လျက်ရှိသော ပါး ပေါ်မှာလဲတွေ့ရတတ်ပါတယ်။

 အောက်နှုတ်ခမ်းနဲ့ နီးကပ်နေသော မေးစေ့ပေါ်မှာတော့ကြာစူးကဲ့သို့ အဖုချွန်းချွန်းလေးတွေ ခပ်ကျဲကျဲ ထွက်ပြီး၎င်းကိုကုတ်ခြစ်ကြည့်တဲ့ အခါမှာလဲ အဖြူရောင်အဆန် ထွက်ရှိလာပါတယ်။

 ပျမ်းမျှအားဖြင့် အမျိုးသားတွေထက် အမျိုးသမီးတွေမှာပို၍အဖြစ် များပြီး ဆယ်ကျော်သက်အရွယ်က စလို့ ခုလိုမျိုးထွက်လာကြတာပါ။

သာမန်ဝက်ခြံဖုတွေဟာ အချိန်တန် လို့ သူ့အလိုလို မှည့်သွားတဲ့အခါ အဖြူရောင်အဆန် သွေးစသွေးနနဲ့ သားနံရည်တွေထွက်လာပေမယ့်၊ အမည်းစက် တွေကတော့ အဲဒီလို မဟုတ်ပါဘူး။ ဒါကြောင့် ၄င်း အမည်းစက်တွေကို အထဲကအဆန် ထွက်လာဖို့ညှစ်ပေးရမှာပါ။ တချို့ သူတွေက ညှစ်လိုက်ရင်ပွားတတ် တယ်ဆိုကာ မညှစ်ရဲဘဲထားကြ ပါတယ်။

တကယ်တမ်းမှာတော့ အမည်းစက်တွေကမပွားတတ်ပါ ဘူး။ သို့သော်အမြစ်ပြတ်တယ်လို့ မရှိဘဲ အဆန်တွေထွက်သွားပြီး နောက်ရက်အနည်းငယ်အတွင်းမှာ ပင်နေရာဟောင်းမှာသူ့အလိုလိုပြန် ပေါ်လာလေ့ရှိပါတယ်။ အလှကုန်ဈေးကွက်ထဲမှာ နှာ ခေါင်းကပ် (ကပ်ခွာ)ပစ္စည်းလေး တွေ၊ အမည်းစက်အတွက်သီးခြား ဖန်တီးထားတဲ့ scrub (ခေါ်)ဂျီး (ကြေး)တွန်းသန့်စင်ပစ္စည်းလေးတွေ ရနိုင်သလို၊ အလှပြင်ဆိုင်တွေမှာ လဲ မျက်နှာပေါ်ကအမည်းစက်တွေကို ဆေးသုံးပြီး ဖယ်ရှားပေးနေ ပါတယ်။

 အလှပြင်ဆိုင်ကို တကူး တက သွားနေစရာမလိုဘဲ အိမ်မှာတင်ပဲ ရိုးရှင်းလွယ်ကူတဲ့နည်းလမ်းလေးတွေသုံးပြီး ဘေးဥပါဒ်မဖြစ် စေဘဲအမည်းစက်တွေကိုဖယ်ရှား လို့ရပါတယ်။

သို့သော်သန့်ရှင်းမှု နဲ့အတူ ဇွဲရှိဖို့တော့ လိုပါတယ်။ ဦးစွာညအိပ်ရာဝင်ခါနီး မျက် နှာသစ်ပြီးနောက် အမည်းစက် တွေကို လက်သန့်သန့်ဖြင့်ညှစ် ထုတ်ပါ။(ဝက်ခြံညှစ်ကိရိယာကို သုံးနိုင်သော်လည်း နောင်တစ် ကြိမ်ပြန်သုံးဖို့အတွက် ထိုကိရိယာ ကို သန့်ရှင်းစင်ကြယ်နေပါစေ။)

ပြီးရင် Foaming Cleanser ပါတဲ့ Oil Free (ခေါ်)အဆီပြန်သူတွေ အတွက် သီးသန့်ထုတ်လုပ်ထား သော မျက်နှာသစ်ဆပ်ပြာဖြင့်စင် ကြယ်အောင်ထပ်မံ၍ မျက်နှာ သစ်ပြီးနောက် မိမိအဆင်ပြေရာ အောက်ပါနည်း တစ်ခုခုကိုသုံးပါ။

(၁) ခရမ်းချဉ်သီးကို အလယ် က ထက်ခြမ်းခြမ်း၊ အစေ့ထုတ်၍ ထိုခရမ်းချဉ်သီးအသားနှင့်နှာခေါင်း ထိပ်ကိုပွတ်ပေးပါ။ မိနစ် ၂ဝ ခန့် အကြာမှာ ရေအေးဖြင့်မျက်နှာသစ် ပေးပါ။ (ရေခဲရည်မဟုတ်ပါ။)

 (၂) နှာခေါင်းထိပ်ပိုင်း၊ မေးစိ နှင့်နှာတံဘေးမှပါးနှစ်ဖက်ပေါ်သို့ ရှားစောင်းလက်ပပ်ဂျယ်လီ (အနှစ် သား)ဖြင့်လိမ်းပွတ်ပေးပါ။ ၁၅ မိနစ်ခန့်အကြာ မျက်နှာကို ရေအေး ဖြင့် သန့်စင်ပေးပါ။ (ရေခဲရည် မဟုတ်ပါ။)

(၃) နှင်းဆီရည်ဖြင့် မျက်နှာ သစ်ပေးနိုင်ပါတယ်။ Rose Water (ခေါ်)နှင်းဆီရည်ကို အလှကုန် ပစ္စည်းဆိုင်တွေမှာ ဝယ်ယူရရှိနိုင် ပါတယ်။

(၄) ဆားရည်မပျစ်မကျဲဖျော် ၍ အမည်းစက်များတွေပေါ်ကို သာလိမ်းပွတ်ပေးပါ။ ၁၅မိနစ်ခန့် အကြာမျက်နှာကို ရေအေးဖြင့်သန့် စင်ပေးပါ။ ဒီနည်းကအရေပြားပေါ် က ဆဲလ်အသေတွေကို ထိရောက် စွာဖယ်ရှားပေးနိုင်ပါတယ်။(ရေခဲ ရည်မသုံးရ)

 (၅) ပဝါသန့်သန့်ကို ရေနွေး ဖြူစိမ်ကာအရည်ညှစ်၍ထိုအမည်း စက်တွေပေါ် ခေတ္တအုပ်ထားပေး ပါ။ ဒီနည်းကချွေးပေါက်ပွင့်ကျယ် လာပြီးတော့ အမည်းစက်တွေကို အလွယ်တကူညှစ်ထုတ်လို့ရပါ တယ်။ (အရမ်းပူသောရေနွေးကို မဆိုလိုပါ။)

(၆) သံပရာရည်နဲ့ သစ်ကြံပိုး ခေါက်မှုန့်တို့ကို ဆတူရောပြီးည အိပ်ရာဝင်ခါနီး အမည်းစက်တွေ ပေါ်လိမ်းပါ။ တစ်ညလုံးလိမ်း အိပ်ပြီးနောက် နံနက်အိပ်ရာထ မျက်နှာသစ်ပေးနိုင်ပါတယ်။

ဆိုးဆိုးရွားရွားအမည်းစက် ထွက်သူတွေအနေနဲ့ အလှပြင်ဆိုင် တွေမှာ မကြာခဏ ကြေးချွတ်ခြင်းကို တစ်လတစ်ကြိမ်လောက် လုပ်ပေးသင့်ပါတယ်။

ဖိုးသူတော် (www.phothutaw.com)
Credit: ThitHtooLwin

#Unicode Version

Vitamin E ဗီတာမင်အီး
၁။ ဆရာရှင့် ဗီတာမင် e က ဒီအတိုင်းသောက်လို့ရပါသလား။ ဆိုကျိုးကောင်းကျိုးလေးသိပါရစေ။
၂။ ဆရာရှင့် ဗီတာမင်အီးအကြောင်းလေးလည်း ပြောပြပါဦးနော် ကျေးဇူးပါ။
မေးတဲ့သူတွေ အသက် မသိ။ ရာသီ မသိ။ အိမ်ထောင်ရေး မသိ။ ဘာလို့သောက်ချင်သလဲ မသိ။
ဟိုတချိန်တုံးကပေါ့့ မန္တလေးဈေးချိုမှာ တိုးရစ်အတွဲတတွဲက ကျွန်တော်တို့အတွဲကို မေးလာတယ်။ လူကဲခပ် ကောင်းပုံရတယ်ခင်ဗျ။ ဖရုမားကက်ဘယ်မှာလဲပေါ့။ ဗမာပြည်မှာက အသီးအနှံဈေးဆိုပြီး သီးခြားရယ်လို့မရှိဘူး မဟုတ်လား။ ဈေးတွေမှာ ပစ္စည်းအမျိုးတူတာတွေကို ဆိုင်ချင်းကပ်ရောင်းတဲ့ စနစ်မျိုးလောက်သာ ရှိတာပါ။ ဈေးချို အနောက်ဖက်တန်း၊ တောင်ဖက်ထိပ်ဟာ ရာသီအလိုက်ပေါတဲ့ အသီးအနှံတွေရောင်းတဲ့နေရာပါ။ တတ်စွမ်းတဲ့ စပီကင်-စကေးလ်နဲ့ဘဲ လမ်းညွှန်လိုက်ပါတယ်။ ကျွန်တော်တို့ ရောက်နေကြတာက စီရုံမို့၊ တောင်ဖက်ကို ကိုက် ၅ဝ လောက် လျောက်ပါပေါ့။ ဗမာပီပီ သဘောကလည်း အပိုဆောင်းကောင်းလိုက်ပါသေးတယ်။ အဲ့့ ဈေးတော့ ဆစ်နော်။ ကျွန်တော်တို့တိုင်းပြည်မှာက ဈေးဝယ်လာသူကို အင်္ဂဝိဇ္ဇာနည်းနဲ့ အကဲခပ်ပြီးသကာလ ရရင်ရသလောက် ဈေးဝယ်သူဆီက ဖြစ်ညှစ်ရောင်းချင်တဲ့အကျင့်က ရှိတယ်မဟုတ်လား။
အရောင်အသွေးစုံလှတဲ့ အသီးအနှံတွေကိုမြင်ရင် ဆရာဝန့်မျက်စိနဲ့ဆို ဒါဟာ ဗီတာမင်တွေလို့ဘဲ မြင်တတ်ပါတယ်။ ဗီတာမင်တွေဆိုတာ အသီးအနှံတွေကရတာလို့ ယေဘူယျပြောနိုင်တာကိုး။ အမှန်ကတော့ ဒီလိုပြောတာ အတိအကျတော့ မမှန်ပါ။ အသားငါးတွေကလဲ ရတာတွေရှိတယ်ခင်ဗျ။ ကကြီးကနေ အ၊ အေ-တူ-ဇက် ဒါမှမဟုတ် အေ-တူ-ဇိ။
ဗီတာမင်အီး ဆိုတာ ဗမာစကားနဲ့ဆို ကြားလို့ သိပ်ကောင်းတာမဟုတ်ပေမဲ့ သူက ရှစ်မျိုးသောဓါတ်တွေကို စုစည်း ခေါ်တာမို့ ခေသူမဟုတ်ပါ။ ဗီတာမင်တွေကို အဆီမှာပျော်ဝင်တာနဲ့ ရေမှာပျော်ဝင်တာဆိုပြီး နှစ်မျိုးခွဲရာမှာ သူက အဆီမှာ ပျော်သတဲ့။ အေ နဲ့ ဒီ လိုပါဘဲ။ ဒါ့ကြောင့် ဆီထုတ်လို့ရတဲ့ အစားအစာတွေမှာ ပါတယ်။ အစေ့အဆံတွေ၊ အသီးအရွက်တွမှာ ပါပါတယ်။ မြေပဲ၊ ပဲပုတ်စိ၊ အလာမုန်း၊ သံလွင်ဆီ၊ သင်္ဘောသီး၊ မုံညင်းစိမ်း၊ မုံညင်းဖြူ၊ ခရမ်းချဉ်သီး တို့မှာလဲပါတယ်။ ဘရူကိုလီ ခေါ် မုံလာပွင့်စိမ်း၊ ဟင်းနုနနွယ်ရွက်တွေမှာ ပါတယ်။
ရုပ်ရှင်-တီဗွီ ကြည့်ရင် နေကြာစေ့လှော်စားတာက အမှိုက်ရှုတ်ပြီး၊ နုတ်ခမ်းနီပျက်တတ်ပေမဲ့ ဗီတာမင်အီး ပါလို့ ကောင်းပါတယ်။ ကျွန်တော်က နေကြာစေ့ရောင်းသူ မဟုတ်ပါ။
ဗီတာမင်အီး ကို Alpha-tocopherol; Gamma-tocopherol လို့လဲခေါ်တယ်။ ဗီတာမင်တွေထဲက အဆီမှာ ပျော်ဝင်တဲ့ အမျိုးအစားတခုဖြစ်တယ်။ ဟင်းသီးဟင်ရွက်ကရတဲ့ အဆီတွေ၊ အစေ့အဆံတွေ၊ အသားငါးဥတွေ၊ အသီးတွေ၊ ဟင်းသီးဟင်းရွက်တွေနဲ့ ဂျုံကထုတ်တဲ့ဆီတွေထဲမှာ ပါနေတယ်။ ဆေးအနေနဲ့လဲ ထုတ်လုပ်ပါတယ်။
ဗီတာမင်အီး နည်းတဲ့ရောဂါဆိုတာ အရှားသားပါ။ အဆီကို စုပ်ယူနိုင်စွမ်း မရှိတဲ့အခြေအနေ၊ မွေးတုံးက ကိုယ်အလေးချိန် မပြည့်ရင်၊ အူမှာ ရောဂါတခုခုရှိရင် ဆိုတာလောက်သာ ဖြစ်နိုင်ပါတယ်။ ဗီတာမင်အီး နည်းတဲ့ ရောဂါကို ကုဘို့မှာ သုံးတယ်။ ဓါတ်နည်းမနေပေမဲ့ ရောဂါကာကွယ်ရေးအတွက်လဲ သုံးပါသေးတယ်။ သွေးကြောတွေ မာနေတာ၊ နှလုံး အတက်ရမှာ၊ သွေးတိုးတာတို့ဖြစ်တယ်။ ဆီးချိုအတွက်လဲ သုံးပါသေးတယ်။ အဆုပ်ကင်ဆာ၊ ခံတွင်းကင်ဆာ၊ အစာအိမ်ကင်ဆာ၊ ဆီးကျိတ်ကင်ဆာ၊ သရက်ရွက်ကင်ဆာတွေမှာလဲ သုံးတယ်။
ဦးနှောက်နဲ့ အာရုံကြောရောဂါတွေဖြစ်တဲ့ အဇာမိုင်ယာ ရောဂါ၊ ဒီမင်းရှား ရောဂါ၊ ပါကင်ဆင် ရောဂါတွေ၊ ညအချိန်ကြွက်တက်တာ၊ Restless leg syndrome ခြေထောက်မငြိမ်ရောဂါ၊ ဝက်ရူးပြန်ရောဂါနဲ့ Huntingtons chorea ရောဂါတွေမှာလဲသက်တိုတဲ့ဆေးတွေနဲ့ တွဲပေးနိုင်ပါတယ်။ အမျိုးသမီးတွေမှာ ကိုယ်ဝန်နောက်ပိုင်းလတွေမှာ ကိုယ်ဝန်သွေးဆိပ်တက်လို့ သွေးတိုးကြောင့် ဖြစ်လာတတ်တာတွေကို ကောင်းစေဘို့သုံးပါတယ်။ PMS သွေးမဆုံးခင်ကလ ဖြစ်တတ်တာတွေ သက်သာဘို့လဲ ပေးတယ်။ ရာသီလာရင်နာတာ၊ သွေးဆုံးလက္ခဏာတွေ၊ ရင်သားကင်ဆာနဲ့ ရင်သာအကျိတ်တွေကြောင့်ဖြစ်ရတဲ့ မျက်နှာနီမြန်းခြင်းဖြစ်တာတွေအတွက်လဲ ပေးနိုင်ပါတယ်။
ကျောက်ကပ်ဆေးနေရလို့ဖြစ်တဲ့ဒဏ်တွေ၊ ဓါတ်ရောင်ခြည်ကင်တာသက်သာစေဘို့ Doxorubicin နဲ့ Amiodarone ဆေးတွေ သောက်နေရသူတွေမှာ ဘေးထွက်ဆိုကျိုးတွေ သက်သာအောင်လဲ ပေးတယ်။ ရုပ်ပိုင်းခံနိုင်စွမ်းကောင်းအောင်၊ ခွန်အားကြီးအောင်၊ လေ့ကျင့်ခန်း လုပ်ပြီးနောက် ကြွက်သားထိခိုက်တာ သက်သာအောင်တွေအတွက်လဲ သုံးနိုင်ပါတယ်။ မျက်စိအတွင်းတိမ်၊ ပန်းနာ၊ အသက်ရှူလမ်းပိုးဝင်တာ၊ အရေပြားနာတွေ၊ အသက်အရ အရေပြား ပြောင်းလဲတာ၊ နေလောင်တာ၊ Cystic fibrosis ရောဂါ၊ ကလေးမရနိုင်သေးခြင်း၊ ပန်းသေ-ပန်းညှိုး၊ နာတာရှည်အားနည်းခြင်း၊ လေနာရောဂါ၊ အလာဂျီဖြစ်တာတွေ။ ကင်ဆာဆေးကြောင့်ဖြစ်ရတဲ့ အရေပြားမှာဖြစ်တာတွေအတွက် လိမ်းပေးနိုင်တယ်။
ဗီတာမင်အီး တနေ့တာလိုအပ်ချက်
- ကလေး ၆ လအထိ = 4 mg/day
- ၇-၁၂ လအထိ = 5 mg/day
- ၁-၃ နှစ်အထိ = 6 mg/day
- ၄-၈ နှစ်အထိ = 7 mg/day
- ၉-၁၃ နှစ်အထိ = 11 mg/day
- ၁၄ နှစ်အထက် = 15 mg/day
- လူကြီးတွေ တနေ့မှာ 1,500 IU/day ထက်မပိုသင့်ပါ။ ဆေးအနေနဲ့ ဖြည့်စွက်သောက်ရင် တနေ့မှာ 1,000 IU/day ထက်မပိုသင့်ပါ။
ဗီတာမင်မှန်သမျှ မရှိမဖြစ်လိုပေမဲ့ နည်းနည်းဆိုရတယ်။ လူစားတဲ့အစာတွေမှာပါတာမို့ အဆန်းကြီး မဟုတ်ပါ။ အခုရေးတာတွေထက် ပိုပြီး ဆေးရောင်းတဲ့ ကုမ္ပဏီတွေက ကြော်ညာတာတိုင်း သွားတော့မယုံလေနဲ့။ အဲ့ တန်ဆေး၊ လွန်ဘေး ဆိုသလို ဗီတာမင်အီး များရင်လဲ မကောင်းပြန်ဘူး။ ဆေးပညာအရပြောရရင် တနေ့ကို ၁ဝဝဝ မီလီဂရမ်ထက် မပိုသင့်ဘူး။ အသက်ငယ်ရင် ငယ်သလို နည်းနည်းဘဲ လိုတာပါ။
ဗီတာမင်အီး နဲ့ပတ်သက်လို့ သိပ်မသေချာသေးတာတွေ အတော်ရှိပါတယ်။ နှလုံးသွေးကြောကျဉ်းရောဂါကို ကာကွယ်နိုင်တယ်၊ ကင်ဆာ အစာအိမ်ကင်ဆာ၊ အမျိုးသမီးရင်သားကင်ဆာ၊ အမျိုးသမီးအူမကြီးကင်ဆာ၊ ယောက်ျား ဆီးကျိတ်ကင်ဆာ၊ ဆီးအိမ်ကင်ဆာ စတာတွေကို ကောင်းစေတယ်ဆိုတာက သုတေသန အဆင့်မှာသာ ရှိပါသေးတယ်။ နောက်ပြီး မျက်စိအတွင်းတိမ်အတွက် အကျိုးများစေတယ်လို့ ဆိုပါတယ်။
သေချာတာကတော့ နေရာင်ထဲမှာပါတဲ့ အန္တရာယ်ပေးတတ်တဲ့ ခရမ်းလွန်ရောင်ခြည် ယူဗွီ-လိုက် ကို ကာကွယ်ရာမှာ သူက ကောင်းပါတယ်။ ဒါ့ကြောင့် သူ့ကို ကောင်းခြင်းငါးဖြာထဲက အသားအရေ၏ကောင်းခြင်းကို လိုချင်သူ အမျိုးသမီးများက သဘောကျကြတယ် မဟုတ်ပါလား။ အမျိုးသမီးတွေအတွက် ကောင်းမှာတွေ ရှိပါသေးတယ်။ ဝက်ခြံ၊ ရင်သားကင်ဆာ၊ ရင်သားအကြိတ်၊ သွေးဆုံးလက္ခဏာတွေ၊ ကိုယ်ဝန်ရှိချိန်မှာ သွေးတိုးတာ၊ မွေးလမ်းကြောင်း ရောင်တာတွေမှာလဲ ကောင်းစေပါသေးသတဲ့။
ဗီတာမင်အီးရော အေရောဟာ အသားအရေကို ကောင်းစေပါတယ်။ နှစ်မျိုးလုံးက အဆီမှာ ပျော်ဝင်တာမျိုးတွေမို့ ဆီရှားတဲ့အရပ်၊ ဆီမစားတတ်တဲ့ အကျင့်ရှိတဲ့အရပ်က လူတွေအတွက် သတိထားသင့်တယ်။ ဆီ-အဆီကို ရှောင်တိုင်း မကောင်းပါ။ မြေပဲ၊ နှမ်း၊ နေကြာ၊ ပန်းနှမ်း၊ ကြက်ဆူဆီ မပါ ပေါလှတဲ့အရပ်က အညာသူ၊ အညာသားတွေဟာ ညိုချောတွေဖြစ်ကြတာ မဆန်းပါ။ ညိုချောဆိုတာ အသားရောင် ညိုပေမဲ့ ထိတွေ့တဲ့အခါ ချောမွေ့တာကို ဆိုတာပါ။
ဒေါက်တာတင့်ဆွေ

                     Poor posture and Health အနေအထိုင်နဲ့ ကျန်းမာရေး
အထိုင်များရင်ဘာဖြစ်မလဲဆိုတဲ့အမေးကို ရေဒီယိုမှာသုံးချင်တယ်ဆိုလို့ ဖြေလိုက်ရပါတယ်။ မေးတာက အမျိုးသမီးတွေ ကျန်းမာရေးအတွက် ဖြစ်ပါတယ်။ လူဆိုတာ လျောင်း-ထိုင်-ရပ်-သွား ဣရိယာပုတ်လေးပါး မျှတနေဘို့လိုပါတယ်။
သူများနိုင်ငံတွေကိုသွားပြီး အလုပ်လုပ်ကြရသူတွေထဲမှာ များသောအားဖြင့် အကြာကြီး ဆက်တိုက် မတ်တပ်ရပ် အလုပ်လုပ်ရတဲ့ ဒုက္ခကိုခံကြရတယ်။ အရောင်းဆိုင်တွေမှာ ဝယ်သူမလာချိန်မှာတောင် ထိုင်နေဘို့ရာ ထိုင်ခုံပေးမထားပါ။ မြန်မာပြည်မှာ ဆေးလိပ်သမတွေက တချိန်လုံးထိုင်နေရတယ်။ ခုခေတ်လူရွယ်တွေ ကွန်ပြူတာရှေ့မှာ အကြာကြီးထိုင် အလုပ်လုပ်ရတယ်။ ကိုယ်အနေအထားတခုခုမှာ မပြုပြင်ဘဲ၊ အချိန်ကြာကြာနေရလေလေ ကျန်းမာရေးကို သက်ရောက် ထိခိုက်လေဖြစ်ပါမယ်။
သွေးလေမလျှောက်ဘူးလို့ အရပ်ပြော ပြောလေ့ရှိတယ်။ မမှားပါ သွေးလှည့်ပတ်မှုကို သက်ရောက်မယ်။ အာရုံကြောကို ဖိထားသလိုနေလို့ ထုံတာကျင်တာဖြစ်မယ်။ သွေးပြန်ရည်စနစ်ကို ဖိထားခံရလို့ ရောင်တာဖြစ်မယ်။ ဖိထားခံရတဲ့ (တစ်ရှူး) တွေ ဒဏ်ခံရမယ်။ ဒါ့ပြင် စိတ်ဖိအားပါဖြစ်စေနိုင်တယ်။
အသက်ကြီးသူတွေမှာ ပိုဆိုးတယ်။ ဆိုးဝါးတဲ့၊ အသက်ကိုပါရန်ရှာနိုင်တဲ့ သွေးကြောထဲ သွေးခဲဖြစ်ပြီးပိတ်တာမျိုး ဖြစ်လာစေနိုင်တယ်။ ခါးနာ၊ ခါးရိုးဆစ်ထဲကအာရုံကြောအလုပ်နည်းတာ၊ အဆစ်နာ၊ ပခုံးလုံးဝန်းရောဂါ၊ ဗိုက်ပူတာတွေ ဆက်ဖြစ်နိုင်တယ်။ အဆစ်နဲ့ကြွက်သားတွေနာမယ်။ ခေါင်းကိုက်မယ်။
ကလေးတွေကို ဘေးတိုက်ကြည့်လိုက်ရင် အင်္ဂလိပ်စာလုံး (အက်စ်) လိုရှိတာတွေ့ပါမယ်။ အကွေးအကောက် နှစ်ခုရှိတယ်။ အသက်ရလာတာနဲ့ (အက်စ်) ကနေ အကွေးတခုသာရှိတဲ့ (စီ) လိုဖြစ်လာတော့တယ်။ အကြံပေးချက်ရိုးရိုးလေးကတော့ သင့်ကြွက်သားစကား နားထောင်ပါတဲ့။ နာလာ၊ ညောင်းလာရင် ကြွက်သားတွေက စကားပြောလာလိမ့်မယ်။ ဘာလုပ်ပေးရမလဲကို ရိုးရိုးလေးပြောရရင် ဖြစ်နေခဲ့တာကို ပြောင်းပြန်လုပ်လိုက်ပါ။ ကုန်းနေရရင် ဆန့်လိုက်ပါ။ ထိုင်နေရရင် ရပ်လိုက်ပါ။ အနေအထား ဂရုမစိုက်နိုင်ရင် အဆစ်နာနေသူတွေကို ပိုဆိုးစေမယ်။ လူရုပ်ကို မလှစေဘူး။
နာလို့ ထိုင်နေရတာမှာလဲ ဇိမ်ကျကျနေရတာ မကောင်းပါ။ ပြော့အိတဲ့မျက်နှာပြင်မှာ ကြာကြာမထိုင်သင့်ပါ။ ပက်လက် ကုလားထိုင်မှာလဲ ကြာကြာမထိုင်သင့်ပါ။ အိပ်တဲ့အခါ မွေ့ယာဆိုတာ ကိုယ့်ခါးနဲ့ အနေတော်သင့်တယ်။ ခေါင်းအုံးက ကိုယ်လည်ပင်းနဲ့ အနေတော်ရမယ်။ အသက်ရလေလေ မာကြောတဲ့မျက်နှာပြင်နဲ့ သင့်လေလေဖြစ်တယ်။ မာလွန်း၊ ကြမ်းလွန်းတာလဲ မကောင်းပါ။
စမတ်ကျကျဆုံလည်ကုလားထိုင်မှာ ကွန်ပြူတာရှေ့ အလုပ်လုပ်ရသူတွေမှာလဲ မျက်စိကိုထိခိုက်စေတယ်။ မိနစ် ၂ဝ ကြာရင် ပေ ၂ဝ အကွာကို စက္ကန့် ၂ဝ ကြာကြည့်ပေးပါ။ (စာတပုဒ် ရေးထားပါတယ်။)
ဖိခံနေရတဲ့ တင်ပါးမှာ သွေးလျှောတာနည်းလို့ အနာပေါက်တာဖြစ်နိုင်တယ်။ ဗက်တီးရီးယးတွေက လူ့ကိုယ်မှာ အပြင်မှာရော အထဲမှာပါရှိနေတယ်။ သူတို့ကြိုက်တဲ့အခြေအနေဖြစ်လာရင် ပေါက်ပွါးများပြားလာတယ်။ ဒဏ်ခံနေရတဲ့ အရေပြားထဲကိုဝင်လာနိုင်တယ်။ အနာပေါက်မယ်။ တချို့က ပြည်တည်စေမယ်။
ရေဒီယိုကမေးလို့ အမျိုးသမီးကျန်းမာရေးအတွက် သတ်သတ်မှတ်မှတ်ပြောလိုက်တာရှိပါတယ်။ အထိုင်များရင် စဉ်းစား ကြည့်နိုင်ပါတယ်။ လေဝင်တာမရသလောက်နည်းမယ်။ အပူချိန်များမယ်။ ချွေးပိုထွက်မယ်။ ပူအိုက်စိုထိုင်းတာကို ဖန်းဂတ်စ် (မှို) တွေကကြိုက်တယ်။ ဒါကြောင့် မိန်းကလေး အပျိုစစ်စစ်တွေမှာ အဖြူဆင်းတာဖြစ်စေနိုင်တယ်။
ထိုင်နေရရင် ကိုယ်အလေးချိန်က ဘယ်နဲ့ညာပေါ်မှာအညီရှိသင့်တယ်။ ဒူးကိုကွေးရရင် ၉ဝ ဒီဂရီရှိတာက အကောင်းဆုံး ဖြစ်တယ်။ (ကန်တော့ပါ) ရေအိမ်သာမှာလည်း အဲလိုပုံစံကကောင်းတယ်။ ခြေဖဝါးက ကြမ်းပြင်မှာ ပြားလိုက်ညီညီ ချထားသင့်တယ်။ အနေအထားတခုမှာ မိနစ် ၃ဝ ထက်မကြာသင့်ဘူး အသက်ကြီးသူတွေက ပိုပြီး အချိန်တိုမှာ ပြင်သင့်ကြတယ်။
ကားမောင်းရသူတွေ ထိုင်ရတာ အနေတော်ဖြစ်အောင် ဂရုစိုက်ပါ။ ခါးနောက်က တခုခု အဆင်ပြေတာရှာပါ။ ဒူးဟာ တင်ပါးနဲ့ တတန်းထဲ၊ ဒါမှမဟုတ် မြင့်နေသင့်တယ်။ စတီယာရင်နဲ့ ကိုယ်နဲ့ အနေတော်ဝေးနေစေပါ။ မနေ့ကပဲ ကားဆရာတယောက် ဘရင်ဂျီနာပေါက်တာမေးတယ်။
တခုခုကို မ,စရာရှိရင် ပေါင် ၃ဝ ထက်များတာ မကောင်းပါ။ မ, မခင် ကိုယ့်အောက်ပိုင်းက မြေပြင်-ကြမ်းပြင်မှာ ခိုင်ခိုင်မာမာ ရပ်ထားပါ။ မ, မဲ့အရာက ကိုယ့်ခါးအောက်ကဖြစ်နေတာက ပိုသက်သာတယ်။ ခါးကိုမတ်မတ်ထားပြီးမှသာ မ, ပါ။ စားပွဲပေါ်ကအရာကို မမယ်ဆိုရင် စားပွဲစွန်းကို အရင်ဆွဲယူပါ။ အောက်ချတော့မယ်ဆိုရင် ဗိုက်ကြွက်သားတွေ တင်းထားပါ။ ခါးနဲ့ ဒူးကွေးထားပါ။
ကုလားထိုင်အမြင့်၊အလုပ်စားပွဲ၊ ထမင်းချက်စရာ၊ လက်ဆေး မျက်နှာသစ်တာတွေဟာ ကိုယ့်အရပ်အမောင်းနဲ့ အနေတော် ဖြစ်သင့်တယ်။
ကျွန်တော်တာဝန်ကျတဲ့ တောနယ်၊ မြို့နယ်တွေက ခွဲစိတ်ခန်းလေးတွေမှာ ခွဲစိတ်ကုတင်ရယ်လို့ အတင်အချ လုပ်နိုင်တာမျိုးကို တခါမှ မသုံးနိုင်ခဲ့ပါ။ ဒေလီမှာ ယမုန်နာဆေးခန်းဖွင့်တော့လည်း အဲလိုပဲ။ မွေးလူနာတွေနဲ့ ခွဲလူနာတွေ ခုံအသေသာ သုံးနိုင်ပါတယ်။ ကလေးလူနာ၊ လူကြီးလူနာ၊ ကိုယ်ဝန်ဆောင်ခွဲစိတ်ရတာ အမျိုးမျိုးကို အနိမ့်အမြင့် ညှိရတာမှာ အုတ်ခဲသာသုံးရတယ်။ ဒါလဲ အဆင်ပြေလှတာမဟုတ်လို့ ခါးနာရောဂါရခဲ့ပါတယ်။ သတိထားတော့ ခုထိ ခါးမကုန်းသေးပါ။
ဒေါက်တာတင့်ဆွေ

                   Deep vein thrombosis သွေးပြန်ကြောပိတ်ခြင်း
သူများ တိုင်းပြည်တွေကို တရားဝင်ထွက်ပြီးဖြစ်ဖြစ်၊ ခိုးထွက်ပြီးဖြစ်ဖြစ်၊ ဟိုမှာအခြေတကျ နေပြီးဖြစ်ဖြစ် အလုပ် လုပ်ကြရာမှာ ကိုယ့်အရပ်နဲ့ အတော်ကြီး မတူဘူး။ စက်ရုပ်ဝါဒလို့ခေါ်ရမလားဘဲ။ အလုပ်ချိန်မှာ ထိုင်စရာဆိုတာ ထားမပေးဘူး။ ရပ်ပြီးလုပ်ရတာမဟုတ်ရင်၊ ပြေးလွှားလုပ်ကြရတယ်။ အောက်ပိုင်းမသန်ရင် ဟန်မကျဘူး။ ကြာတော့ အောက်ပိုင်းက အတွင်းပိုင်းရောဂါတွေ ရလာတတ်တယ်။ မြန်မာလူမျိုး လေးသန်းကျော်အတွက် ဒီစာကိုရေးပါတယ်။
အမျိုးမျိုးရှိတဲ့ သွေးကြောတွေက ကောင်းနေပါမှ အသက်ရှင်နိုင်တာမို့ အသက်သွေးကြောလို့ တင်စားခေါ်ကြတာ မှန်တယ်။ နှလုံးကနေ တကိုယ်လုံးကို လွှတ်ပေးရတဲ့ Artery သွေးလွှတ်ကြော ပိတ်တာကို အတော်များများ သိကြတယ်။ Stroke လို့ ခေါ်တယ် မဟုတ်လား။ ဆေးစာ သိသူတွေကတော့ Myocardial infarction လို့ ခေါ်ပါတယ်။ တကိုယ်လုံးကနေ နှလုံးဆီ ပြန်လာရတဲ့ Vein သွေးပြန်ကြောမှာ သွေးခဲပြီး၊ ပိတ်တာကလည်း ဆိုးတဲ့ရောဂါဘဲ။ လူတွေကို ကြိုက်တာ၊ မကြိုက်တာပြောရမဲ့ ပါးစပ်ကို ပိတ်ခိုင်းထာတာအပါအဝင် ပိတ်တာ-ဆို့တာဟာ ရောဂါဘဲ။ ဒီစာမှာ သွေးပြန်ကြော ပိတ်တာ ရေးပါမယ်။ အတိအကျ ပြောရရင် ဟို အတွင်းထဲမှာရှိတဲ့ သွေးပြန်ကြောတွေ ပိတ်တဲ့ရောဂါပါ။
အပေါ်ယံမှာရှိတဲ့ သွေးပြန်ကြောတွေမှာ ပိတ်နေတာကို Superficial thrombophlebitis ခေါ်တယ်။ အဆိုးကြီး မဟုတ်ပါ။ Thrombophilia ခေါ်တဲ့ မွေးရာပါ ရောဂါ ရှိသူများမှာ သွေးခဲတတ်တယ်။ အမျိုးထဲမှာ တယောက်မက ဖြစ်တတ်တယ်။
လူမှန်-နေရာမှန်ဆိုတဲ့ စကားလိုဘဲ လူ့သွေးက သူ့နေရာမှန်ဖြစ်တဲ့ သွေးကြောထဲမှာနေရင် မခဲဘူး။ အပြင်ထွက်ရရင် ခဲသွားတယ်။ အဲဒါ အလွန်ကောင်းတဲ့ အစီအမံဖြစ်တယ်။ ထိခိုက်မိလို့ သွေးထွက်ရင် ကိုယ့်ဖါသာ ကြက်ခြေနီလုပ်ပြီး၊ လက်နဲ့ ဖိထားပါ။ သွေးရဲ့ခဲတတ်တဲ့ သတ္တိကြောင့် သွေးတိတ်သွားတယ်။ မခဲရမဲ့နေရာ သွေးကြောထဲမှာ ခဲရင်တော့ ဒုက္ခရောက်ရတယ်။ အများဆုံးဖြစ်တာကတော့ ခြေသလုံးနဲ့ ပေါင်အတွင်းထဲမှာရှိတဲ့ သွေးပြန်ကြောတွေမှာ ဖြစ်တယ်။ သွေးခဲက ကွဲထွက်ပြီး၊ ဟိုဟိုဒီဒီ ရောက်တတ်သေးတယ်။ အရေးပါတဲ့ နေရာဖြစ်တဲ့ အဆုပ်ကို သွားပိတ်တာဟာ ရောဂါဆိုး တခု ဖြစ်ပါတယ်။ Pulmonary embolism (PE) လို့ ခေါ်တယ်။ သေနိုင်တယ်။
ခွဲစိတ်ခံထားရသူတွေမှာလဲ ဖြစ်လာတတ်တာမို့ ဆရာဝန်တွေက လူနာကို ခွဲစိတ်ပြီးနောက်မှာ ဒါမျိုး ဖြစ်မလာအောင် လုပ်ပေးကြရတယ်။ နောက်အကြောင်းတရားတွေကတော့ သွေးပြန်ကြောမှာ ဒဏ်ရာရလို့၊ ရောင်လာလို့ နဲ့ ခံနိုင်ရည် ပြဿနာ တခုခုဖြစ်လို့ပါ။ သွေးလျှောက်တာ နှေးရင်လဲ ဖြစ်တတ်သေးတယ်။ သွေးက လိုတာထက်ပို ပြစ်နေရင်လည်း ဖြစ်ချင်တယ်။ နာတာရှည် လူမမာဖြစ်ရ၊ အိပ်ရာထဲ လှဲနေရ၊ ခရီးရှည် အကြာကြီး သွားရတဲ့အခါမှာလဲ ဖြစ်တတ်ပါတယ်။
ကင်ဆာဆေး၊ အီစထိုဂျင်ပါတဲ့ ကိုယ်ဝန်တားဆေးတွေကလည်း ဖြစ်စေနိုင်တယ်။ ကိုယ်ဝန်ဆောင်နေချိန်နဲ့ မွေးပြီး ၁-၂ လ အတွင်းမှာ သတိထားပါ။ အမျိုးသမီးများကို သွေးဆုံးချိန်မှာ ပေးရတတ်တဲ့ Estrogen ဟော်မုန်း ကလည်း ဒီရောဂါမျိုး ဖြစ်စေတတ်တယ်။
အထဲက သွေးပြန်ကြောမှာ သွေးခဲလေးတွေ ရှိနေပေမဲ့ ဘာမှမခံစားရဘဲ နေတတ်တယ်။ တချို့တဝက် လောက်မှာသာ ရောဂါ လက္ခဏာပေါ်တယ်။ ဖြစ်တဲ့နေရာမှာ ရောင်လာ၊ ပူလာ၊ နာလာ၊ နီလာတယ်။ မနီဘဲ အရောင် ပြောင်းလာတာမျိုးလဲ ဖြစ်နိုင်တယ်။ အကွေး-အဆန့် လုပ်ရင် ပိုနာတယ်။ ကြွက်တက်သလို ဖြစ်တယ်။ Pulmonary Embolism ဆိုတာ ဖြစ်ရင်တော့ အသက်ရှူရတာ ခက်လာ-နာလာတယ်။ ချောင်းဆိုးတဲ့အထဲ သွေးပါလာမယ်။ အသက်ရှူနှုန်းရော နှလုံးခုန်နှုန်းပါ မြန်လာတယ်။ အရေးပေါ်ဆေးရုံတက်ရလိမ့်မယ်။
ရောဂါရှိနေတာကို Doppler Ultrasound ရိုက်ပြီး သေခြာအောင်လုပ်ရတယ်။ A D-Dimer test, Venography, (MRI) နဲ့ (CT) scanning တွေကိုပါ လုပ်တယ်။
ဖြစ်လာရင် ကုတာကတော့ ခဲနေတဲ့သွေးခဲ ပိုကြီးမလာစေအောင်၊ သေးသေးလေးတွေ ကွဲထွက်ပြီး၊ တခြားနေရာတွေ မရောက်စေအောင် နဲ့ နောက်ထပ် မခဲစေအောင် လုပ်ပေးရတာပါ။ Anticoagulants ဆိုတဲ့ သွေးမခဲဆေး၊ သွေးကျဲဆေးတွေ ပေးတယ်။ Warfarin နဲ့ Heparin ဆေးတွေကို အသုံးများတယ်။ ကိုယ်ဝန် ရှိတုံးဖြစ်သူတွေကိုတော့ Heparin ကိုသာ သုံးတယ်။ ၃ လ ကနေ ၆ လအထိ ဆေးကုရတယ်။ ကိုယ်ဝန်နဲ့ ခွဲစိတ်ရာကနေ ဖြစ်သူတွေကိုတော့ ဒီလောက်ကြာစရာ မလိုဘူး။ ဒီဆေးတွေက သွေးယိုတာ ဖြစ်တတ်ပြန်လို့ သတိထား သုံးရတယ်။ Thrombin Inhibitors ဆိုတဲ့ ဆေးကတော့ သွေးမခဲအောင် တားဆေးပါ။ Thrombolytics ဆေးကိုတော့ သွေးခဲ မြန်မြန် ပျော်စေအောင် ပေးတယ်။
Thrombectomy ခဲနေတဲ့သွေးကို ခွဲထုတ်နိုင်တယ်။ ဆေးပေးဘို့ မသင့်ရင် ဒါမှမဟုတ် ဆေးပေးနေတာနဲ့ မလုံလောက်ရင် Vena Cava Filter ဆိုတဲ့ အစစ်ကို သုံးနိုင်တယ်။ Graduated Compression Stockings နဲ့ compression hose ဆိုတဲ့ ခြေအိတ်ဆန်းကို စွပ်ထားခိုင်းတယ်။ အကိုက်အခဲပျောက်-အဖျားကျ-အရောင်လျှော့ဆေး Aspirin က သွေးကိုကျဲစေလို့ ဒီရောဂါမျိုးမှာ အသုံးကျတယ်။ တခါဖြစ်ဘူးရင် ထပ်ဖြစ်တတ်လို့ ရောဂါရှိနေသူဟာ ဆေးမှန်မှန် စစ်နေရတယ်။
ဒီရောဂါ မဖြစ်အောင် အကြာကြီး မရပ်ရသလို၊ အ်ိပ်ရာထဲမှာလဲ ရက်အကြာကြီး လှဲမနေရဘူး။ အိပ်ရာက မထနိုင်သူများ ခြေထောက်တွေ လေ့ကျင့်ခန်း လုပ်ပေးရတယ်။ ဝလွန်းရင်လဲ ဒီရောဂါ ဖြစ်နိုင်တယ်။ တောင်ပေါ်အမြင့်မှာ နေရ၊ သွားရရင် သတိထားရတယ်။ အသက်ကြီးလာရင် မကောင်းတာတွေထဲမှာ ဒါလဲပါတယ်။ လူက ဖက်တီး၊ အသက်ကလည်း ကြီးရင် ခရီးမထွက်နဲ့။ တောင်ပေါ်သားများ နိုင်ငံခြား သွားနေချင်ရင် နှစ်ခါပြန် စဉ်းစားပါလေ။
လေယျာဉ်ပေါ်မှာ ကိုယ်လက်လှုပ်ရှားပေးဘို့ ဗီဒီယို နဲ့ ပြပေးတာက ဒါမျိုး မဖြစ်အောင်လို့ပါ။ ရေ-အရည် အများကြီး သောက်ပါ။ အရည်ထဲမှာ အရက်နဲ့ ကော်ဖီများတာ မပါဘူး။ အဝတ်အစားကို ကြပ်နေတာမျိုး မဝတ်ရဘူး။ တင်းကြပ်တဲ့ ဘာသာရေးအယူရှိတဲ့ တိုင်းပြည်က မိန်းကလေးများ သူများနိုင်ငံတွေသွားတော့ လေယျာဉ်ပေါ်ရောက်တာနဲ့ အဖုံးတွေ အကာတွေ ခွါချကြတာက ဒီရောဂါ မဖြစ်အောင်တော့ ဟုတ်ပုံမရဘူး။ ဒါပေမဲ့ လှချင်တာက ကျန်းမာရေးအရ (နော်မယ်) ပါဘဲ။ Aisle တလျှောက် လူးလာခေါက်တုံ လူလုံးပြသလို လုပ်တာက လေယာဉ်မယ်လေးတွေနဲ့လဲ အပြန်အလှန် ပြုံးပြနိုင်တာမို့ ကိုယ်ရောစိတ်ပါ ကျန်းမာရေးနဲ့ ညီညွတ်စေပါတယ်။
https://www.youtube.com/watch?v=0QEo9QAqA3k&feature=youtu.be
Dr. တင့်ဆွေ

                                            Tonics အားဆေး
ဆရာ ကျမအသက် ၄၂ နှစ်ပါ။ အမျိုသမီးများ အာဟာရ ပြည့်စုံအောင် အစားအသောက် အားဆေး ဘယ်လို စားသောက်သင့်ပါသလဲ ဖြေကြားပေးပါ ဆရာ။
အားဆိုတာ ဘာလဲ။ တယောက်တမျိုးပြောပါမယ်။ ဆရာဝန်ကတော့ ပြန်မေးချင်တယ်။ အပြေးသန်ချင်တာလား၊ ဝချင်တာလား၊ သွေးအားလား၊ ဗီတာမင်လား၊ အသည်းမကောင်းလို့လား၊ မိန်းမ-ယောက်ျား ပီသချင်တာလား။ ဒီတော့ ဘာအတွက်ဆိုတာသိမှ ဘယ်ဆေးလို့ပြောနိုင်တယ်။ အားဆေးမှန်သမျှ ဗီတာမင်တွေ ဖြစ်ပါတယ်။ နာမည်တွေ အတော်ကိုများတယ်။ ပါတာတွေက မတိမ်းမယိမ်းပါ။
အမျိုးသမီးအရွယ်မရွေး သံဓါတ်လိုကြတယ်။ အသက် ၃၅ ကျော်ကစပြီး၊ သွေးဆုံးကာနီးတွေက ကယ်လ်စီယမ် လိုကြတယ်။ နည်းနေရင် အရိုးကျိုးလွယ်ကြတယ်။ ဗီတာမင်တွေအများကြီးသောက်ရင် စိတ်ပိုင်းဆိုင်ရာ အားနည်းစေနိုင်တယ်ဆိုတာ ရှိပေမယ့် သက်သေအထောက်အထား မပြည့်စုံပါ။ အင်္ဂလန်နဲ့ ကနေဒါကထုတ်တဲ့ Multibionta ဗီတာမင်နဲ့ ဓါတ်ဆားတွေပါတဲ့ဆေးကို အာရှကထုတ်တဲ့ဆေးတွေ လိုက်မမီပါ။ ညံ့တဲ့နိုင်ငံတွေကထုတ်တဲ့ ဆေးတိုင်းကိုတော့ အာမမခံနိုင်ပါ။
Deca-Durabolin လူကြီးအတွက် Anabolic hormone ဟော်မုန်းတွေ ပါတာမျိုးလည်း ရှိသေးတယ်။ လူတိုင်းနဲ့ မသင့်ပါ။ Moriamin Forte (မိုရီယာမင်-ဖို့ဒ်) နာမည်ကြီး ဈေးကြီးပါတယ်။ အားဆေးဖြစ်ပါတယ်။ ပေါ်တာကြာပါပြီ။ (ပရိုတင်း) ဓါတ်နည်းရောဂါ၊ အာဟာရမျှတတဲ့ရောဂါ၊ ဗီတာမင်တွေနည်းတဲ့ရောဂါ၊ အာဟာရချို့တဲ့ရောဂါ၊ အလျှင်အမြန် အားယုတ်ခြင်း၊ နာတာရှည်လူမမာ၊ စိတ်ဖိအားအလုပ်ဖိအားများခြင်း၊ ခုခံအားကျဆင်းနေခြင်း၊ ဗီတာမင်တွေ ပိုလိုခြင်း။ ရုပ်ပိုင်းဆိုင်ရာ အပြင်းအထန်လုပ်ရခြင်း၊ အားအင်ကုန်ခမ်းလွန်းဖြင်း၊ လေ့ကျင့်ခန်းပြင်းထံခြင်း၊ ကိုယ်ဝန်ဆောင်စဉ်နဲ့ ကလေးနို့တိုက်နေရချိန်၊ ကလေးကို မြန်မြန်ကြီးထွားစေလိုခြင်း၊ နလံထချိန်၊ အကြီးစား ခွဲစိတ်ကုသမှုလုပ်အပြီး၊ ကင်ဆာဆေး၊ ဓါတ်ကင်ထားခြင်း။
ဗီတာမင် (အေ) = ရက်တီနော သည် ငါးကြီးဆီ၊ အသဲ၊ ဥ၊ နို့နှင့် နို့ထွက်အစာများ၊ မုန်လာဥနီမှာ ပါဝင်သည်။ အရေပြားနှင့် အပေါ်ဖုံးလွှာများ ကောင်းစေရန်၊ အရိုးကြီးထွားရန်၊ ဆဲလ်များအသစ်ပြုပြင်ရန်၊ ခုခံအားကောင်းရန်၊ ကြက်မျက်သင့်ရောဂါ ကာကွယ်ရန်။ များရင်အဆပ်သင့်သလိုဖြစ်တယ်။
ဗီတာမင် ဘီ ၁ (သိုင်ယာမင်း) သည် (ရိစ်)၊ ဥ၊ အသဲ၊ အစေ့-အဆံ၊ အသားတို့မှာ ပါဝင်သည်။ (ဗယ်ရီဗယ်ရီ)ခေါ်ထုံနာ-ကျင်နာ ရောဂါကို ကာကွယ်သည်။ ဆန်စေ့၏ အပေါ်ယံလွှာမှာ ပါဝင်သဖြင့် ရေခမ်းချက်စာပါ။
ဗီတာမင် ဘီ ၂ (ရိုင်ဘိုဖလေဗင်း) သည် နို့နှင့် နို့ထွက်အစာများ၊ ဥ၊ အသဲ၊ အသီးအရွက်၊ ဆန်၊ ဂျုံ၊ ရိစ် တို့မှာပါဝင်သည်။ ချို့ တဲ့ပါက ကျီးကန်းပါးစပ်နာဖြစ်စေသည်။
ဗီတာမင် ဘီ ၆ (ပိုင်ရီဒေါက်ဆင်း) သည် အချို့ဆေးဝါးများကြောင့်၎င်း နည်းစေသည်။ ဥပမာ တီဘီ ဆေး၊
ဗီတာမင် ဘီ ၉ (ဖေါလစ်အက်စစ်) သည် သွေးနီဥသန်စွမ်းစေရန် အသုံးဝင်သည်။ အတော်များများ မှားနေကြတယ်။ ကလေးလိုချင်လို့ ဖေါလစ်အက်စစ်သောက်နော ဘယ်လောက်ကြာပြီတဲ့။ ကလေးရစေတဲ့ဆေး မဟုတ်ပါ။ ကိုယ်ဝန်ရတဲ့အခါ ကလေးဦးနှောက်အာရုံကြော ကောင်းစေဘို့သာဖြစ်ပါတယ်။
ဗီတာမင် ဘီ ၁၂ (ကိုဘယ်လမင်း) သည် (ရိစ်)၊ နို့နှင့် နို့ထွက်အစာများ၊ ဥ၊ အသဲ၊ ငါး၊ အသားတို့မှာ ပါဝင်သည်။ ခန္ဓာကိုယ်ကြီးထွား စေရန်၊ (ဆဲလ်) တည်ဆောက်ရန်၊ သွေးနှင့် အာရုံကြော ကောင်းစေရန်အတွက်ဖြစ်သည်။ ၄င်းနည်းပါက (ပါနီးရှပ်စ်) သွေးအားနည်းရောဂါဖြစ်စေသည်။
ဗီတာမင် စီ (အက်စကောဗစ် အက်စစ်) စိမ်းသော အသီးအရွက်များ၊ အသီးအနှံများမှာ ပါဝင်နေသည်။ ချဉ်သောအသီးများ (သံပုရာသီး၊ ရှောက်သီး၊ ဆီးဖြူသီး) အရိုး၊ သွား၊ သွားဖုံး၊ သွေးကြော၊ အရွတ် ကောင်းစေသည်။ ခုခံအားလည်း ကောင်းစေသည်၊ အနာကျက်စေသည်။ ချို့တဲ့ပါက (စကောဗီ) ရောဂါ ရစေသည်။ ဗီတာမင်တွေထဲမှာ (စီ) ကို အများကြီးပေးလို့ရတယ်လို့ပြောနိုင်ပေမဲ့ များလို့ ဝမ်းပျက်နိုင်တယ်။ ပျို့-အန်မယ်။ ကြွက်တက်မယ်။ ခေါင်းကိုက်မယ်။
ဗီတာမင် ဒီ သည် ငါးကြီးဆီ၊ နို့ထွက်အစာများမှာ ပါဝင်သည်။ နေရောင်ကြောင့် ဗီတာမင်အေမှ ဒီဖြစ်လာစေသည်။ အရိုးတည်ဆောက်ရန် အသုံးကျသည်။ ချို့တဲ့ပါက Rickets အရိုးပျော့ရောဂါဖြစ်စေသည်။
ဗီတာမင်အီးသည် အသီးအရွက်ကရသော ဆီ၊ ဂျုံ၊ ဆန်၊ ပေါင်မုံ့ ၊ ဥ၊ အစေ့အဆံများမှာ ပါဝင်နေသည်။ သွေးဥ၊ ကြွက်သား၊ အာရုံကြောများ အလုပ်ကောင်းစေရန် အသုံးကျသည်။
ဗီတာမင်ကေသည် အသီးအရွက်များမှာပါသည်။ သွေးတိတ်စေသည်။
အမျိုးသမီးနဲ့ ကယ်လ်စီယမ် အလွန်အရေးကြီးတယ်။ အသက် ၃၅-၄ဝ နှစ်ကျော်လာရင်လိုပြီ။ ဗီတာမင်ဒီနဲ့ တွဲသောက်သင့်တယ်။ အမျိုးသမီးတိုင်း တနေ့မှာ 1000 mg လိုတယ်။ အသက် ၅ဝ ကျော်ရင် နည်းနည်းပိုလိုတယ်။ 1200 to 1,500 mg လိုတယ်။ နို့တိုက်မိခင်တွေ 1,000 mg to 1,300 mg လိုတယ်။ သတိထားဘို့က စားသောက်တာထဲမှာ ပါတာကိုလဲ ထည့်တွက်ရမယ်။
ကြော်ငြာဆေးကို မယုံသင့်ပါ။ အစားအသောက် အစုံစားနေရင် မလိုကြပါ။ မစုံရင်တော့ လိုနိုင်တယ်။ အစုံစားဆိုတာ ထမင်း၊ ခေါက်ဆွဲ၊ ဆန်နဲ့ ဂျုံနဲ့လုပ်ထားတဲ့အစားအစာတွေ၊ ပဲ၊ ပဲသီး၊ အသား၊ ငါး၊ ဥ၊ အသီးအရွက်တွေ၊ အသီးနဲ့ နွားနို့နဲ့ နို့ထွက်အစားအသောက်တွေဖြစ်တယ်။
လူတဦးကနေ သူနဲ့ဒီဆေးက သူနဲ့ ပိုတည့်တယ်လို့ပြောနိုင်တယ်။ လူဆိုတာ သူ့စိတ်ကနေ ဒါကပိုကောင်းတယ်လို့ ထင်နေတာကိုက သူ့အတွက် အားသားချက်တခု ဖြစ်စေတယ်။ စိတ်ရဲ့တန်ခိုးဆိုတာ သိပ်ကြီးမားတာကိုး။ ဆရာဝန်တွေကတော့ တယောက်ချင်းစီအတွက် လိုတာကိုသာ ဆေးအဖြစ်ညွှန်ပါတယ်။ မင်းသမီးချောချော မော်ဒယ်လှလှနဲ့ ညာပြတာတော့ မခံကြရစေချင်ပါ။
ဒေါက်တာတင့်ဆွေ

LikeShow more reactions

Comment

Share

สอนการสร้าง Template Joomla ด้วย Artisteer 4 ง่ายมากๆ

” ကျန်းမာရေးအတွက် ဤစာကို ဖတ်ဖြစ်အောင် ဖတ်ပါ “

သံပယိုရည်နဲ့ ရေနွေးကို သောက်သုံးခြင်းဖြင့် ကင်ဆာကို ကာကွယ်နိုင်ပါတယ်။
သကြားကို မထည့်ပါနဲ့။
ပူနေတဲ့သံပယိုရေနွေးဟာ အေးနေတဲ့ သံပယိုရည်ထက်ပိုပြီး အကျိုးကျေးဇူးရှိပါတယ်။
ကဇွန်းဥ အဝါနဲ့ခရမ်းရောင်တို့မှာလည်း ကင်ဆာကို ကာကွယ်နိုင်တဲ့
အရာကောင်းများ ပါဝင်ပါတယ်။
၁။ ညနှောင်းပိုင်း အစားအစာစားခြင်းဟာ
အစာအိမ်ကင်ဆာကို ဖြစ်နိုင်ခြေများစေပါတယ်။
၂။ တပတ်တွင် ကြက်ဥ၄လုံးထက်ပို၍ မစားမိပါစေနဲ့။
၃။ ကြက်အဆီဘူးကို စားခြင်းဟာ အစာအိမ်ကင်ဆာကို ဖြစ်စေပါတယ်။
၎။အစာစားပြီး အသီးကို မစားပါနှင့်။
အသီးကို အစာမစားမီ စားသုံးပါ။
၅။ ရာသီလာချိန်တွင်
လက်ဖက်ရည်မသောက်ပါနှင့်။
၆။ ပဲနို့ကို လျော့သောက်ပါ။ ပဲနို့ထဲတွင်သကြားနှင့်ကြက်ဥ
မထည့်သောက်ပါနှင့်။
၇။ အစာမရှိဘဲ ခရမ်းချဉ်သီး မစားပါနဲ့။
၈။ သည်းခြေတွင်ကျောက်တည်ခြင်းမှ ကာကွယ်ရန် နံနက်အစာအစားမီ ရေတခွက်သောက်ပါ။
၉။ ညမအိပ်မီ ၃နာရီအလို မည်သည့်အစားအစာမှ မစားပါနှင့်။
၁၀။ Teh Tarik နွားနို့နှင့်ရောစပ်ဖျော်ထားသော လက်ဖက်ရည်လျော့သောက်ပါ။
အာဟာရမရှိသောအရာများက ဆီးချိုနှင့်သွေးတိုး ရောဂါကိုဖြစ်စေသည်။
၁၁။ ပေါင်မုန့်မီးကင်စက် သို့မဟုတ် မီးဖိုတွင် ပေါင်မုန့်ကိုဖုတ်ပြီးနောက် ပူနေစဉ်မစားပါနှင့်။
၁၂။ သင်အိပ်နေစဉ်သင့်နားတွင် ဆဲလ်ဖုံး သို့မဟုတ်မည်သည့်လျှပ်စစ်အားသွင်းခြင်းကိုမဆို အနားတွင်ထား၍ မအိပ်ပါနှင့်။
၁၃။ သည်းခြေကင်ဆာဖြစ်ဖြင်းမှ ကာကွယ်ရန် တနေ့လျှင်ရေ ၁၀ခွက်ခန့်သောက်ပေးပါ။
၁၄။ နေ့ပိုင်းတွင် ရေကိုများများသောက်၍ ညပိုင်းတွင် လျော့သောက်ပါ။
၁၅။ တနေ့လျှင်ကော်ဖီကို၂ခွက်ထက်ပို၍ မသောက်ပါနှင့် သို့မဟုတ်ပါက အိပ်မပျော်သောရောဂါနှင့် အစာအိမ်ရောဂါ ရရှိနိုင်သည်။
၁၆။ ဆီပါဝင်မှုနည်းသော အစားအစာကိုစားပါ။
ဆီပါဝင်မှုရှိပါက ၅နာရီမှ၇နာရီကြာမျှ ယင်းအစာကို ကြေညက်အောင် ချက်ရသည့်အတွက် သင့်ကိုပင်ပန်းနွမ်းနယ်မှုကို ဖြစ်ပေါ်စေသည်။
၁၇။ ညနေ၅နာရီနောက်ပိုင်း အစားကိုလျော့စားပါ။
၁၈။ အစားအစာ၆မျိုးသည် သင့်ကိုပျော်ရွှင်မှု ပေးနိုင်သည်။ ငှက်ပျောသီး၊ ဂရိတ်ဖရု၊ ဂျုံပေါင်မုန့်၊ စပင်းနပ်ခ်ျ၊ ရွှေဖရုံသီး၊ မက်မွန်သီး၊
၁၉။ တနေ့ ၈နာရီထက် လျော့နည်းစွာအိပ်လျှင် ဦးဏှောက်လည်ပတ်ဆောင်ရွက်နိုင်မှုကို တဖြေးဖြေးချို့ယွင်းစေပါသည်။
မွန်းလွဲအနားယူမှေးစက်မှုက သင့်အား ငယ်ရွယ်နုပျိုစေပါသည်။.
ချက်ထားသည့် ခရမ်းချဉ်သီးက ခရမ်းချဉ်သီး အစိမ်းထက်ပိုပြီး ဝေဒနာများကုသပေးနိုင်စွမ်းသတ္တိ ရှိသည်။
ပူနေသော သံပယိုရေနွေးရည်သည် သင့်ကျန်းမာရေးကို ထိန်းထားနိုင်ပြီး အသက်ကိ်ုပိုမိုရှည်စေသည်။
ပူသောသံပယိုရည်သည် ကင်ဆာဆဲလ်များကိုသတ်နိုင်စွမ်းရှိသည်။
ရေနွေးပူပူထဲသို့ အကွင်းလိုက်လှီးထားသော သံပယိုကွင်း၂ခု-၃ခုခန့်ကို ထည့်ပါ။
နေ့စဉ်သောက်သုံးပေးပါ။
သံကယိုရည်ပူပူတွင်ရှိ ခါးသက်သက်ဓါတ်သည် ကင်ဆာဆဲလ်များကို သတ်နိုင်သည့် အကောင်းဆုံးသောဒြဗ်ပင်ဖြစ်သည်။
သံပယိုရည်အေးတွင် ဗီတာမင်စီသာရှိပြီး ကင်ဆာကာကွယ်နိုင်စွမ်းမရှိပါ။
ပူသော သံပယိုရည်သည် ကင်ဆာကျုမာကြီးထွါးမှုကို ထိန်းချုပ်နိုင်စွမ်းရှိသည်။
ဓါတ်ခွဲခန်းစမ်းသပ်မှုအရ သံပယိုပူရည်သည် အလုပ်ဖြစ်ကြောင်းသက်သေပြခဲ့သည်။
မကောင်းသောကင်ဆာဆဲလ်များကို ထိုသံပယိုတွင်ရှိသည့်ဓါတ်သတ္တိဖြင့် ကုသမှုကဖျက်ဆီးနိုင်စွမ်းရှိသည်။
ထိုအရာက ကောင်းမွန်သောဆဲလ်များကို ထိခိုက်မှုမရှိပါ။
နောက်တခုမှာ သံပယိုရည်အတွင်းရှိ စီထရစ်အက်စစ်(Citric acid) နှင့် သံပယို ပိုလီဖင်နော် (lemon polyphenol) သည်သွေးတိုးခြင်းကို ကျဆင်းစေနိုင်စွမ်းရှိသည်။
သွေးကြောပိတ်ခြင်းကို လျော့နည်းစေခြင်း၊ သွေးလှည်ပတ်မှုကို တိုးတက်ကောင်းမွန်စေခြင်းနှင့် နက်ရှိုင်းစွာအတွင်းတွင်ရှိသည့် သွေးကြောတွင်းပိတ်ဆို့ခြင်းကို ကာကွယ်မှုပေးနိုင်သည်။
သင်မည်မျှအလုပ်ရှုပ်နေပါစေ။
ဤစာကိုဖတ်ဖြစ်အောင်ဖတ်ပါ။ အခြားသူများကိုချစ်မေတ္တာဖြင့် ဖြန့်ဝေပါ။ သင့်ကိုယ်တိုင်ရဲ့ ကျန်းမာရေးကိုလည်း ဂရုစိုက်ပါ။
(Ko Htun Aung Gyaw ဘာသာပြန်ပေးပို့သည်။)
via Zawana Shen
Credit: Thorn Nay Soe