အရိုးကျီးပေါင်းတက် ရောဂါအကြောင်း သိကောင်းစရာ
-----------
အဆစ်ရောင်ရောဂါ၊ အာရုံကြောရောဂါနဲ့ ထိခိုက်ဒဏ်ရာရရှိခြင်းတို့ရဲ့ နောက်ဆက်တွဲအဖြစ် အရိုးကျီးပေါင်း တက်ရောဂါ ဖြစ်ပေါ်တတ်ပါတယ်။
အရိုးကျီးပေါင်းတက်ပြီဆိုရင် ဒူးနာခြင်း အများဆုံးဖြစ်စေနိုင်ပြီး ဇက်ကြောတက်ခြင်း၊ ခါးနာခြင်းစတဲ့ရောဂါ လက္ခဏာတွေ ပြ တတ်ပါတယ်။ အသက် ၄ဝ ကျော်အရွယ်မှာ လှုပ်ရှားမှု အများဆုံးနဲ့ အလေးအပင်ဒဏ် အခံရဆုံး အရိုးအဆစ်များဟာ ပွန်းသွားပြီး အရိုးအတက်ထွက်ကာ အဆစ်နာခြင်းနဲ့ ရောင်ခြင်းတို့ဖြစ်စေတယ်။ အသက် ၆၅ နှစ်ကျော်တဲ့သူတွေကို ဓာတ်မှန်ရိုက်ကြည့်ရင် ၈ဝ ရာခိုင်နှုန်းက ဒူး၊လည်ပင်းနဲ့ ခါးဆစ်တို့ အရိုးကျီးပေါင်းတက်တာ ကို တွေ့ရတတ် ပါတယ်။ ရောဂါရှိသူရဲ့ ၂၅ ရာခိုင်နှုန်းက နာကျင်မှုဒဏ်ကိုခံစားကြရတယ်။ အထူးသဖြင့် ဝတဲ့သူတွေနဲ့ မျိုးရိုးရှိသူတွေမှာ ပိုပြီးအဖြစ်များတာတွေ့ရတတ်ပါတယ်။ ဒူးနာခြင်းဟာ အရိုးကျီးပေါင်းတက်ခြင်းကြောင့် ဟုတ်၊ မဟုတ်သိနိုင်ပါတယ်။ တစ်နှစ်အတွင်း ထိခိုက်မှုမရှိဘဲ ဒူးနာခြင်း၊ လှေကားအတက်အဆင်းမှာ သွားလာမှု အခက်အခဲရှိခြင်း၊ တခြားအဆစ်တွေ မနာဘဲ ဒူးတစ်ဖက်သို့မဟုတ် နှစ်ဖက်စလုံးမှာ နာကျင်ခြင်းတို့ခံစားရပါက ဒူးကို ဓာတ်မှန်ရိုက်ကြည့်ဖို့ လိုပါတယ်။ အဲဒီလို ဓာတ်မှန် ရိုက်ကြည့်တဲ့အခါ အဆစ်ရောင်ခြင်း၊ အရိုးအဆစ်တို့ အကွာအဝေး လျော့သွားခြင်း၊ အရိုးများ ပိုဖြူလာခြင်းနှင့် အရိုးအတက်ထွက်ခြင်းစတာတွေကို သိနိုင်ပါတယ်။
ဓာတ်မှန်မှာ အရိုးကျီးပေါင်းတက်တာ တွေ့ခဲ့ရင် ရောဂါလက္ခဏာနဲ့ ဓာတ်မှန်တွေ့ရှိချက် ကိုက်ညီမှသာ အထူးဂရုပြုကုသဖို့ လိုပါတယ်။ ရောဂါလက္ခဏာတွေ အနေနဲ့ ကတော့ ဒူးနာ၊ ခါးနာ၊ ဇက်ကြောတက်၊ နံနက်အိပ်ရာထစမှာ သိပ်မသိသာဘဲ အဆစ်ကိုလှုပ်ရှားမှုများတဲ့ အချိန် ညနေစောင်းမှာ ပိုနာခြင်း၊ အရိုးအဆစ် ကွေးနိုင်ဆန့်နိုင်စွမ်းကျဆင်းပြီး အဆစ်ခိုင်လာခြင်း၊ အဆစ်ပတ်လည်ရှိ ကြွက်သားများ အားနည်းပြီး သိမ်သွားခြင်း၊ အဆစ်တွင် အရည်ဝင်နေသောကြောင့် နာကျင်ခြင်း၊ အရိုးချင်းပွတ်တိုက်မိသည်ကို ခံစားနိုင်ခြင်းတို့ဖြစ်ပါတယ်။ တခြားလေးဖက်နာ အဆစ်ရောင်ရောဂါတွေမှာ တွေ့ရလေ့ ရှိတဲ့ သွေးစစ်ချက်တွေ ဥပမာ- ESR, ASO, RA,ANA,Uric (Acid) တို့ မြင့်တက်လေ့ရှိပါတယ်။
ကုသမှုအနေနဲ့ အကိုက်အခဲပျောက်ဆေးစားခြင်းဖြင့် လတ်တလော နာကျင်မှုဝေဒနာကို သက်သာစေနိုင်ပါတယ်။ အစာအိမ်၊ လေထိုးလေအောင့်ရှိသူတွေ အစာအိမ်သွေးယိုစိမ့်မှု ဖြစ်သူတွေအနေနဲ့ ဆရာဝန်နဲ့ တိုင်ပင်ပြီးမှ သောက်သင့် တယ်။ ရောဂါဟန့်တားဆေးစားခြင်း အနေနဲ့ အဓိကပြဿနာက အရိုးနုပါးပြီး အဆစ်ရိုးမှာ အက်ကြောင်းထင်ကာ ကျီးပေါင်းပြန် တက်ရာမှ မျက်နှာပြင် မညီမညာဖြစ်ပြီး အရိုးချင်းပွတ်မိသဖြင့် နာကျင်ခြင်းတို့ဖြစ်စေတယ်။
ယခုအခါ အရိုးနုကို ပြန်ထူစေတဲ့ဆေးပေါ်လာပြီဖြစ်လို့ ဟန့်တားနိုင်ပါပြီ။ အကိုက်အခဲပျောက်ဆေး ရေရှည်မသုံးရတော့ပါဘူး။ အရိုးကို ပြန်တည့်ပေးခြင်း၊ အဆစ်အစားထိုးခြင်းစတဲ့ ခွဲစိတ်ကုသမှုခံယူနိုင်ပါတယ်။ လေ့ကျင့်ခန်းလည်းလုပ်နိုင်ပါတယ်။ တုတ်ကောက်၊ လည်ပင်းကော်လံ၊ လည်ပတ်၊ ဖိနပ်အောက်ခံစတဲ့ အထောက်အကူပြု ပစ္စည်းတွေကို စနစ်တကျ အသုံးပြု ပေးသင့်ပါတယ်။
ဒေါက်တာလွင်သန့်(ဆေး-၂)
#မြ၀တီ
-----------
အဆစ်ရောင်ရောဂါ၊ အာရုံကြောရောဂါနဲ့ ထိခိုက်ဒဏ်ရာရရှိခြင်းတို့ရဲ့ နောက်ဆက်တွဲအဖြစ် အရိုးကျီးပေါင်း တက်ရောဂါ ဖြစ်ပေါ်တတ်ပါတယ်။
အရိုးကျီးပေါင်းတက်ပြီဆိုရင် ဒူးနာခြင်း အများဆုံးဖြစ်စေနိုင်ပြီး ဇက်ကြောတက်ခြင်း၊ ခါးနာခြင်းစတဲ့ရောဂါ လက္ခဏာတွေ ပြ တတ်ပါတယ်။ အသက် ၄ဝ ကျော်အရွယ်မှာ လှုပ်ရှားမှု အများဆုံးနဲ့ အလေးအပင်ဒဏ် အခံရဆုံး အရိုးအဆစ်များဟာ ပွန်းသွားပြီး အရိုးအတက်ထွက်ကာ အဆစ်နာခြင်းနဲ့ ရောင်ခြင်းတို့ဖြစ်စေတယ်။ အသက် ၆၅ နှစ်ကျော်တဲ့သူတွေကို ဓာတ်မှန်ရိုက်ကြည့်ရင် ၈ဝ ရာခိုင်နှုန်းက ဒူး၊လည်ပင်းနဲ့ ခါးဆစ်တို့ အရိုးကျီးပေါင်းတက်တာ ကို တွေ့ရတတ် ပါတယ်။ ရောဂါရှိသူရဲ့ ၂၅ ရာခိုင်နှုန်းက နာကျင်မှုဒဏ်ကိုခံစားကြရတယ်။ အထူးသဖြင့် ဝတဲ့သူတွေနဲ့ မျိုးရိုးရှိသူတွေမှာ ပိုပြီးအဖြစ်များတာတွေ့ရတတ်ပါတယ်။ ဒူးနာခြင်းဟာ အရိုးကျီးပေါင်းတက်ခြင်းကြောင့် ဟုတ်၊ မဟုတ်သိနိုင်ပါတယ်။ တစ်နှစ်အတွင်း ထိခိုက်မှုမရှိဘဲ ဒူးနာခြင်း၊ လှေကားအတက်အဆင်းမှာ သွားလာမှု အခက်အခဲရှိခြင်း၊ တခြားအဆစ်တွေ မနာဘဲ ဒူးတစ်ဖက်သို့မဟုတ် နှစ်ဖက်စလုံးမှာ နာကျင်ခြင်းတို့ခံစားရပါက ဒူးကို ဓာတ်မှန်ရိုက်ကြည့်ဖို့ လိုပါတယ်။ အဲဒီလို ဓာတ်မှန် ရိုက်ကြည့်တဲ့အခါ အဆစ်ရောင်ခြင်း၊ အရိုးအဆစ်တို့ အကွာအဝေး လျော့သွားခြင်း၊ အရိုးများ ပိုဖြူလာခြင်းနှင့် အရိုးအတက်ထွက်ခြင်းစတာတွေကို သိနိုင်ပါတယ်။
ဓာတ်မှန်မှာ အရိုးကျီးပေါင်းတက်တာ တွေ့ခဲ့ရင် ရောဂါလက္ခဏာနဲ့ ဓာတ်မှန်တွေ့ရှိချက် ကိုက်ညီမှသာ အထူးဂရုပြုကုသဖို့ လိုပါတယ်။ ရောဂါလက္ခဏာတွေ အနေနဲ့ ကတော့ ဒူးနာ၊ ခါးနာ၊ ဇက်ကြောတက်၊ နံနက်အိပ်ရာထစမှာ သိပ်မသိသာဘဲ အဆစ်ကိုလှုပ်ရှားမှုများတဲ့ အချိန် ညနေစောင်းမှာ ပိုနာခြင်း၊ အရိုးအဆစ် ကွေးနိုင်ဆန့်နိုင်စွမ်းကျဆင်းပြီး အဆစ်ခိုင်လာခြင်း၊ အဆစ်ပတ်လည်ရှိ ကြွက်သားများ အားနည်းပြီး သိမ်သွားခြင်း၊ အဆစ်တွင် အရည်ဝင်နေသောကြောင့် နာကျင်ခြင်း၊ အရိုးချင်းပွတ်တိုက်မိသည်ကို ခံစားနိုင်ခြင်းတို့ဖြစ်ပါတယ်။ တခြားလေးဖက်နာ အဆစ်ရောင်ရောဂါတွေမှာ တွေ့ရလေ့ ရှိတဲ့ သွေးစစ်ချက်တွေ ဥပမာ- ESR, ASO, RA,ANA,Uric (Acid) တို့ မြင့်တက်လေ့ရှိပါတယ်။
ကုသမှုအနေနဲ့ အကိုက်အခဲပျောက်ဆေးစားခြင်းဖြင့် လတ်တလော နာကျင်မှုဝေဒနာကို သက်သာစေနိုင်ပါတယ်။ အစာအိမ်၊ လေထိုးလေအောင့်ရှိသူတွေ အစာအိမ်သွေးယိုစိမ့်မှု ဖြစ်သူတွေအနေနဲ့ ဆရာဝန်နဲ့ တိုင်ပင်ပြီးမှ သောက်သင့် တယ်။ ရောဂါဟန့်တားဆေးစားခြင်း အနေနဲ့ အဓိကပြဿနာက အရိုးနုပါးပြီး အဆစ်ရိုးမှာ အက်ကြောင်းထင်ကာ ကျီးပေါင်းပြန် တက်ရာမှ မျက်နှာပြင် မညီမညာဖြစ်ပြီး အရိုးချင်းပွတ်မိသဖြင့် နာကျင်ခြင်းတို့ဖြစ်စေတယ်။
ယခုအခါ အရိုးနုကို ပြန်ထူစေတဲ့ဆေးပေါ်လာပြီဖြစ်လို့ ဟန့်တားနိုင်ပါပြီ။ အကိုက်အခဲပျောက်ဆေး ရေရှည်မသုံးရတော့ပါဘူး။ အရိုးကို ပြန်တည့်ပေးခြင်း၊ အဆစ်အစားထိုးခြင်းစတဲ့ ခွဲစိတ်ကုသမှုခံယူနိုင်ပါတယ်။ လေ့ကျင့်ခန်းလည်းလုပ်နိုင်ပါတယ်။ တုတ်ကောက်၊ လည်ပင်းကော်လံ၊ လည်ပတ်၊ ဖိနပ်အောက်ခံစတဲ့ အထောက်အကူပြု ပစ္စည်းတွေကို စနစ်တကျ အသုံးပြု ပေးသင့်ပါတယ်။
ဒေါက်တာလွင်သန့်(ဆေး-၂)
#မြ၀တီ
No comments:
Post a Comment